ميتا تضع علامة تميز بين الواقع وبين ال Ai.. اعرف التفاصيل
شركة ميتافيرس المالكة لكل السوشيال ميديا اللي احنا بنستخدمها دي سواء فيسبوك انستجرام او حتى واتساب طلعت قرار عظيم جدا بيقول ايه القرار دا؟ بيقول اننا في كل مواقعنا التابعة للشركة هنحط علامة مميزة تفرق بين الفيديوهات والصور الحقيقية وبين اللي صاحبنا ال Ai حاطط فيها ايده ودا في خلال الكام شهر الجايين يعني لو محمد صلاح اتشك فيه تاني انه عامل فيديو Ai عشان يسكت الناس هنعرف وهنجيبه “سوري يا شباب اندمجت شوية” المهم قالت ايه بقى ميتا في الحوار دا؟
قالت انها تسعى لوضع معايير فنية مع شركاء الصناعة من أجل سهولة التعرف على الصور ومقاطع الفيديو المصورة الناتجة باستخدام أدوات الذكاء الاصطناعي جيه القرار دا بقى بعد ايه؟ عارف الصور اللي عمالين نشيرها عالفيسبوك بتاعتك وانت في العمرة ولا لاعب بيسبول او تنس ميتا حست ان الصور دي واللي شبهها دا مؤشر خطر عشان بقى من السهل جدا اننا نعمل صور وفيديوهات مزيفة تماما وننشرها ودا ممكن يلحق الضرر طبعا بناس كتير بالذات لو كانت الحاجات دي بتقدم معلومات سياسية وحاجات بتمس الامن القومي للدولة او مثلا صور عريانة! بالذات لو مشاهير كمان.
وقالت جيلي فيدان الأستاذة المساعدة في تكنولوجيا المعلومات بجامعة كورنيل ان مبادرة شركة ميتا تدل على أنها تعرف مدى خطورة نشر محتوى مزيف عبر الإنترنت، وأن ذلك يمثل مشكلة لمنصاتها الاجتماعية" ، وأضافت أن الخطوة دي فعالة في الإبلاغ عن جزء كبير من المحتوى الكاذب الناتج عن الذكاء الاصطناعي، ولكن ليس من الأفضل أن يكشف ذلك عن كل شيء" ، تفتكروا بقى لييه جيلي شايفة انه مش من الأفضل ان يكشف ذلك عن كل شيء؟؟؟ عايزين تضللونا؟ تيل مي عايزين تضللونا؟؟؟
وقال نيك كليغ رئيس الشؤون الدولية في ميتا .. ان لسا لحد دلوقتي ماتحددش معاد وضع العلامات دي.. بس الأكيد انها هتتحط في الشهور الجاية بكذا لغة مختلفة.. وأضاف نيك كليغ إن الفرق أصبح واضح بين المحتوى الحقيقي والاصطناعي، ولكن االناس تريد معرفة أين تقع الحدود"... هذا ومن جانبه.. طبقت شركة ميتا شوية تصنيفات على صور معمولة باستخدام أداة الذكاء الاصطناعي ميتا Ai التابعة ليها.. واللي تم اطلاقها في شهر 12 اللي فات.