أخبار محكمة الأسرة
محكمة الأسرة.. سيد بدعوى نشوز: بتخوني وبسببها اتقالي اللي عنده معزة يلمها
بحسرة وألم وقف «سيد» على أعتاب محكمة الأسرة ليقيم دعوى نشوز على زوجته بعد ما اكتشف خياناتها التي حاول الزوج التغاضي عنها من أجل استمرار المنزل ولكنها رفضت ولجأت إلى محكمة الأسرة من أجل رفع دعوى نفقة ضده، ما جعله يقصد طريق محاكم الأسرة ليقيم دعوى نشوز.
حكايات محكمة الأسرة.. كل خناقتانا كانت على المصروف
يستهل رواياته لقاضي محكمة الأسرة مؤكدًا أن كل المشكلات بينهما كانت بسبب المصروفات ورغبتها في زيادة المصروف: "بقالنا 8 سنين مجوزين والدنيا تمام مفيش مشاكل خالص وكنت بحاول اعملها كل اللي هي عايزاه، بس أنا كان مرتبي على قدي ودا مكنش عاجبها وكانت عايزة مصاريف فوق طاقتي ولما كنت برفض كانت الخناقات بتزيد بين على الموضوع ده وأوقات كتير تسيب البيت وتروح عند أهلها".
قصص محكمة الأسرة.. مستغفلاني وبتقنعني إنه جواب قديم
لاحظ «سيد» تغير زوجته بطريقة ملحوظة ما جعله يترقب تصرفاتها ليعرف السبب وراء تغيرها وعندما بحث وجد شيء غير متوقع، يستكمل سيد حديثه ويقول: "بدأت أشك فيها من تصرفاتها الغريبة على طول مش طيقالي كلمة وكل ما أجي أكلمها في أي حاجة تتخانق، دورت وراها عشان اطمن وياريتني ما دورت" تابعت: "لقيت جواب غرامي هي كتباها لواحد ودورت في موبايلها عرفت إن في علاقة بينها وبين الراجل ده بقالها فترة، ولما قلتلها مين ده قالتلي ده جواب قديم".
أخبار محكمة الأسرة.. اتقالي اللي عنده معزة يلمها بسببها
تركت الزوجة المنزل بعدما صارحها «سيد» بخياناتها وحاول معها أكثر من مروة أن يصلح الأمور بينهما ولكنا رفضت، أضاف «سيد» لقاضي المحكمة: "رحت كلمته عشان ميكلمهاش تاني، قالي اللي عنده معزة يلمها، مكنتش عارف أقوله ايه عشان عنده حق، في الاخر هي اللي زعلت سابت البيت وحاولت ارجعها اكتر من مرة بس هي مش راضية، وكمان رفعت عليا قواضي نفقة".
اختتم «سيد» قوله: "كلمتها كتير عشان ترجع بس هي راكبة دماغها مترجعش، ولما لقيت مفيش فايدة وكمان رافعة عليا قواضي روحت رفعت دعوى نشوز بقالي شهرين"