أخبار محكمة الأسرة
محكمة الأسرة.. مريم: أمه عايزة تطفشني عشان يتجوز بنت اختها
زواج مثالي بمعنى الكلمة كانت نهايته الحتمية محكمة الأسرة ، بعد ما تدخلت والدة الزوج في حياتهما بطريقة جعلت المشكلات تتصاعد بينهما بسبب رغبتها في تطليقها من ابنها كي يتزوج من ابنة شقيقتها، بعد ما تأكدت أنه لا يجد أي تغيير في حياتها لجأت إلى محكمة الأسرة حتى تقييم دعوى خلع.
قصص محكمة الأسرة .. أمه وقفالي على الواحدة
"أمه وقفالي على الواحدة من ساعة ما اتجوزت عشان عايزاه يتجوز بنت اختها اللي هو موافقش بيها قبل كدا" كانت هذه الكلمات الأولى التي بدأت مريم بها حديثها لقاضي محكمة الأسرة مؤكدة على أنها تعاني بسبب تصرفات حماتها التي لم تجد لها أي مبرر ومع ذلك كانت تحاول مجاراة الأمور حتى لا تتصاعد المشكلات بينهما.
حكايات محكمة الأسرة .. عايزة تطفشني بأي طريقة
لم تفهم سبب المعاملة الغريبة التي تتلقاها من حماتها ولكنها كانت تحاول مسايرة الأمور ولكمن كانت الأوضاع تزداد في السوء بسبب المعاملة ذاتها حتى بدأت أن تفكر في حل هذه المشكلات من خلال لجؤها إلى محكمة الأسرة، تابعت: "في الأول مكنتش فاهمة هي ليه بتعاملني بالطريقة دي بس بعد عرفت إنها مش حباني من الأول ومكنتش عايزاه ويتجوزني بس هو مكنش معرفني"، أضافت: "كل ما أعمل أي حاجة مش عاجباها، وليل ونهار خناق على أي حاجة حتى لو صغيرة عشان عايزة تطفشني، وبقت كل الكلام اللي تقوله لجوزي عليا إني مبعرفش اعمل حاجة ومبسمعش كلامها في أي حاجة عشان تكرهه فيا".
قضايا محكمة الأسرة .. مريم في دعوى خلع
حاولت أن تسيطر على الأوضاع حتى لا تصل إلى محكمة الأسرة ولكنها في النهاية وجدت نفسها على أعتاب محكمة الأسرة بسبب رغبتها في إقامة دعوى خلع بعد ما تمادت حماتها في التلكيكات وافتعالها للمشكلات، وقالت: "كنت بعديلها كتير عشان قلت واحدة قد أمي مينفعش اتخانق معاها، بس هي مكنتش بتسكت بالعكس كانت بتزيد أكتر وأكتر في معاملتها اللي زي الزفت ليا"، بعد ما تغاضت عن كل هذه التكليكات لمدة 3 سنوات ، ولكن عندما تفاقمت المشكلات لم تتحمل أن تكمل حياتها بهذه الطريقة، وتنهي حديثها قائلة :"خلاص جبت أخري بسبب أمه طلبت منه الطلاق كتير بس هو مش راضي عشان كدا رفعت عليه قضية خلع بقالي 4 شهور".