"موري العيال الويل".. منار في دعوى ضم حضانة: شرط عليا ياخد العيال مقابل إنه يطلقني
حياة مليئة بالمشكلات المستمرة بين الزوجين من بداية دخولهما عش الزوجية ما جعل الأمور تصل للطلاق، ولكن شرط الزوج الذي وضعه قبل إتمام الطلاق هو أخذه للأولاد بعد إتمام الانفصال، وافقت منار على هذا الشرط على أمل أنه سيحافظ على أولاده، ولكن كانت المفاجأة التي اكتشفتها جعلتها تقييم دعوى ضم حضانة لأخذ الأطفال منه.
شرط عليا إنه ياخد العيال مقابل إنه يطلقني
"اتفقنا بعد الطلاق إنه هياخد العيال عشان يقعدوا معاه وهو هيخلي باله منهم" كانت هذه الكلمات الأولى في رواية منار مؤكدة على المشكلات المستمرة التي تعيش فيها طوال فترة الزواج وبعدما تصاعدت الخلافات كان الطلاق هو الحل الأمثل لإنهاء حياتها الزوجية الحافلة بكل هذه المشكلات، تابعت: "كانت حياتنا كلها مشاكل ومهما نرجع ونصلح الدنيا ترجع تبوظ تاني بسببه برضو، وبعد ما زادت المشاكل مكنش فيه قدامنا حل غير إننا نتطلق"، بعد ما تم الطلاق بينهما بالاتفاق اشترط الزوج أن يكون هو المسئول عن الأولاد من اجل حمايتهم والحفاظ عليهم، لم تمانع منار على هذا الاتفاق وأخذ الأب الأولاد منها بعد الطلاق، تابعت: "لما المشاكل كترت أوي بينا وأنا مبقتش قادرة استحمل خلاص اتفقنا إننا هنتطلق، بس قبل ما نتطلق قال لي إنه هياخد العيال تعيش معاه بعد الطلاق، موافقتش في الأول بس لما فكرت قلت دا أبوهم برضو مش مشكلة".
رفع دعوى ضم حضانة
ظنت الزوجة أن الأب يحافظ على أولاده ولكن كانت المفاجأة أن الذي رأته عكس ذلك نهائيًا، تستكمل لنا باقي تفاصيل قصتها وقالت: "خد العيال بعد الطلاق، بس من ساعة ما خدهم والعيال بيشتكوا لي منه، وإنه بيضربهم، قلت يمكن هما بيعملوا حاجة غلط عشان كدا بيضربهم، بس طلع مربيلهم الرعب زي ما كان مربيلي الرعب أنا كمان واحنا متجوزين"، بعد تفكير طويل منها توصلت إلى أنها يجب أن تقييم دعوى ضم حضانة لتأخذ الأولاد منه، انهت منار حديثها قائلة: "كلمته عشان أخد العيال بعد ما عرفت إنه مطلع عينهم بس هو موافقش خالص، ولما لقيته مكمل برضو في ضرب العيال، رفعت عليه دعوى ضم حضانة عشان أخد العيال".