إحالة المتهم باغتصاب طالبة المطرية للجنايات.. والد الضحية يكشف حقائق صادمة
أمر المحامي العام الأول لنيابة شرق القاهرة الكلية بإحالة المتهم باغتصاب طالبة المطرية (15 سنة) إلى المحاكمة الجنائية؛ لأنه عاشر طالبة مدرسة المطرية معاشرة الأزواج عن طريق الخديعة، واستمعت النيابة إلى أقوال والد المجني عليها.
وننشر أقوال والد المجني عليها..
س: ما صلتك بالمجني عليها؟
ج: هي بنتي.
س: كم تبلغ من العمر كريمتك سالفة الذكر؟
ج: هي عندها 15 سنة.
س: ما هي تفصيلات شكواك؟
ج: اللي حصل أن انا بنتي عندها 15 سنة و في المدرسة لسه ومن يومين لقيت والدتها بتقول لي إنها حامل، ولما قعدت معاها عشان اعرف ازاي ده حصل عرفت منها إن هي كانت تعر ف واحد كان عايز يتقدم لها، وإنه كان بيكلمها من تليفون واحد قريبه، وفضل يكلمها لما أخد رقمها عشان يتصل من عنده كذا مرة، ومن حوالي شهرين راح عند المدرسة عندها، وهي ما تعرفش شکله، وقال لها إنه معاه صور ليها، وإنه أخدها عن طريق هاكر، وقال لها تيجي معاه لبيته عشان يشيل الصور ويمسحها، فراحت معاه وهي خايفة، وأخدها بيته في المطرية، و كان فيه ستات قرايبه، ولما قعدت إداها مادة في مياه ومشروب غازي وكحك، ولما شربت وکلت فقدت وعيها، واعتدى عليها جنسيا و هي مش حاسة بنفسها، وبعد كده صحاها، وقال لها يلا عشان تروحي، وإداها سلسلة وإنسيال، وقال لها هاديكي خاتم بس السايبر تحت قافل، المرة اللي جاية هادي لك الخاتم، وهي ما كانتش تعرف اللي حصل، وسابت الموضوع، وما حکتلناش، و بعد كده من يومين كانت بترجع والدورة الشهرية بتاعة السيدات مقطوعة عنها بقالها فترة، فوالدتها خافت، وأخدتها لمركز رعاية الطفل في الجيزة، وحللت لها دم للحمل، وطلعت حامل، فرحت معاها للمكان اللي المتهم فيه، وعرفت عنوانه، ورحت بيها للقسم عشان اعمل المحضر.
أمر إحالة المتهم باغتصاب طالبة المطرية
وجاء في أمر إحالة المتهم بهتك عرض طالبة المطرية بأنه المتهم بدائرة قسم شرطة المطرية محافظة القاهرة خطف المجني عليها من غير تحايل أو إكراه بأن استغل حداثة عمرها، موهما إياها بالزواج منها، وساقها إلى مسكنه، باعدا إياها عن أعين ذويها؛ تمهيدا للنيل من جسدها.
وأضاف أمر الإحالة أن المتهم أوهمها بأنه يريد أن يتقدم لها، ولكنه استطاع أن يحصل على صور لها وهي عارية تماماً، ثم قام بتهديدها، وأحضرها بتلك الطريقة إلى منزله، ثم وضع لها مادة مخدرة في زجاجة مياه معدنية، وقام بجريمته، والتي اكتشفت بعد ذلك أنها حامل.
وعن عقوبة الاغتصاب أوضح ميشيل حليم المحامى والخبير القانونى أنها تتراوح بين السجن المشدد والمؤبد، وقد تصل فى الظروف المشددة إلى الإعدام، ويشترط أن تكون المجنى عليها مكرهة على الفعل، وإذا كان الفعل برضاها فلا عقوبة، إلا فى حالة كون الفتاة قاصرا بمعنى أنها لم تتجاوز الـ18 عاما.