محامية ضحايا عنتيل مدينة نصر: محتاجين تأهيل نفسي.. وهذه نصيحتي لأولياء الأمور

التقى موقع الحادثة المحامية دعاء عباس دفاع ضحايا الصيدلي خالد محمد توفيق، المعروف إعلاميًا بـ عنتيل مدينة نصر، والتي كشفت عن مفاجآت تعرض لأول مرة منذ اكتشاف وقائع هتك العرض والتحرش بالسيدات والفتيات داخل إحدى الصيدليات بمدينة نصر.

ضحايا عنتيل مدينة نصر

حيث وجهت محامية ضحايا عنتيل مدينة نصر رسالة للأهالي ممن تعرضوا للتحرش أو المحاولة، قائلة: «واجبكم أن تتقدموا للنيابة العامة وخدوا حقوقكم التعويضية منه ده حقكم أي حد من الأهالي عنده معلومة وعايز يتقدم للنياية العامة هي النيابة العامة قسم مدينه نصر مفتش المباحث (علي فيصل) هو هيوصلكم للنيابة العامة والمعلومات كلها هتكون بسرية تامة ده واجبكم الإنساني وحقكم، لينال عقوبته وميتكررش اللي حصل تاني».

وكشفت محامية ضحايا عنتيل مدينة نصر، أن تحرك الزوجة بشأن وقائع المراهقات والأطفال حدث من خلال بلاغ لخط النجدة الطفل والمجلس القومي للأمومة والطفولة، وبدوره تقدم المجلس ببلاغ للنائب العام، وظن المتهم أنه يقف على أرض صلبة ولن يقدر عليه أحد، فتعدى بالضرب على زوجته أكثر من مرة.

تابعت:"عاوزه أقول للي بيقول كنا سترنا عليه دي لو بنتك حضرتك كنت هتستر عليه، إذا كان هو مسترش نفسو ولا ستر الضحايا وكان بيصورهم"، مستبعدة أن يكون مريضًا نفسيًا كما يزعم، حيث قالت: "حصل مواجهة لكنه حافظ الكلام اللي يقوله هيطلعه من العقوبة هو مش مريض نفسي زي ما بيقول مفيش مريض نفسي بيعمل كدة"

وأضافت: "سلوكه قدام الناس كان متدين ورجل البر والتقوى ولو كان حد قال عليه حاجة من غير الفيديوهات دي مكنش حد هيصدق، عنده علامة الصلاة راجل منضبط وملبس مراته النقاب".

وقائع هتك عرض الأطفال

وحول وقائع هتك عرض الأطفال قالت: "هو ارتكب جرائم هتك أعراض الأطفال، تحرش بيهم وخطفهم وظرف مشدد آخر هو إنهم تحت 18 سنة، وفي طفلة اتعرضت وباين ده في الكاميرا إنها داخله من باب الصيدلية على المكان الخلفي للصيدلية وده بيدل انه معودها على كده".

تابعت: "كل الأطفال دول محتاجين تأهيل نفسي ومش هيقدروا يتعايشوا مع المجتمع، لازم بتعملهم تاهيل نفسي مكثف لمحو ذاكرة اللي حصل معاهم وهما صغيرين عشان يبقوا طبيعيين وسويين تاني حتى لا يتحول عندهم لعنف بعدين او يوْدي بهم الامر للانتحار".

فلاشة تقود عنتيل مدينة نصر للبرش

كما قالت محامية ضحايا الصيدلي عنتيل مدينة نصر: "تلقيت شكوى من سيدة تقول إنها زوجة دكتور صيدلي قام بالتحرش بالأطفال والنساء واستغل جهلهم وفقرهم، وقدمت لي الشكوى مدعومة بفلاشة عليها مقاطع فيديو دلائل على ارتكاب الدكتور الصيدلي الجرائم المنسوبة إليه".

تابعت: "الحياة الزوجية كانت طبيعية جدًا ومكنش في أي مشاكل بينها وبين جوزها، وجدت الفلاشة بالصدفة البحته، شغلت الفلاشة لقت فايل عليه أسماء سيدات وأطفال كاتب على كل مقطع فيديو اسم الضحية زي (جنى الصغيرة)"

ولفتت محامية ضحايا عنتيل مدينة نصر: "كان بيصور بكاميرات ثابتة داخل الصيدلية، وارتكب الجريمة بتاعته، وبعد ما تمشي الضحية بيقعد على جهاز الكمبيوتر ويفرغ المقطع اللي فيه الانتهاك اللي عملها ويحتفظ بيه في ملف له باسورد، لما الزوجة جابت الهارد زوجها المتهم كان لسه مقفلش الملفات دي بباسورد ده كان جزء من اللي قدرت تحصل عليه مش كل الأدلة ضده، الزوجة واجهته وانكر في البداية لكن اعترف انو مرتكبش الجرم كله واستمر في الانكار امام العيلة كلها "

تابعت: "رفعت الزوجة قضية طلاق للضرر وارفقت الفلاشة في محكمة الاسرة وانكر الصيدلي المتهم الاتهامات الموجهة ليه، لكنه اعترف قدام النيابة لأن كان معانا الفلاشة واضحة ومش مفبركة، والجمعية الحقوقية ادتني تقرير صادم من الإذاعة والتلفزيون بفحص الفيديوهات على الفلاشة، وفحص الوقائع اللي فيها، وفي تقرير من خبير يصف الوقائع التي رصدت في الفيديوهات والفيديوهات في الفلاشة سليمة ".