«عاملين بيتي غرزة».. زوجة في دعوى خلع: "أهله مبوظين سمعتي"
"تدخل الأهل" يعد من أهم الأسباب التي تؤدي لـ خراب البيوت بسبب نشوب المشكلات والخلافات منذ بداية الزواج، يوجد زوجات تتأقلم وتعرف كيفية التعامل مع الوضع وعلى الجانب الأخر يوجد أخريات لا تعرف التعامل بالمثل فتصبح مهدور حقها بسبب انسياق الزوج وراء كلام الأهل.
زوجة في دعوى خلع: "أهله مبوظين سمعتي"
أقرأ أيضًا: في سابقة قضائية.. محكمة دسوق ترفض خلع زوجة لعدم ردها المصوغات الذهبية للزوج
"طلقني بسبب أهله" هكذا بدأت ولاء حديثها عن دعوى خلع أقامتها وبجانبها بناتها الاثنين، متأسفة على معاملة أهل الزوج السيئة لها منذ بداية الزواج، تابعت: "معاملة أهله معايا زي الزفت من أول الجواز من غير ما أعملهم اي حاجة وكل شوية خناقات وفي كل خناقة بيضربوني وكل لما أقول لجوزي مبيعملش حاجة".
ماشي ورا كلام أهله
انزعجت الزوجة من تدخل الأهل في كل أمور المنزل وانسياق الزوج وراء أي قرار يتم اتخاذه من قبل والدته بدون أي اعتراض، تابعت: "أمه بتتحكم فينا وفي كل حاجة بنعملها وأي حاجة بتقولها يبقى هي الصح وهي اللي هتمشي من غير حتى ما أقول رأي لحد ما زهقت خناقتنا كل بسبب الموضوع دا وأنا مش عارفة أعيش معاهم خالص".
أقرأ أيضًا: الأب يتحرش ببناته.. والأم تصرخ: «بيجيب ستات البيت»
حقيقة غير متوقعة
أكملت الزوجة: "مبقتش بشوفه وطول الوقت بقا قاعد مع أمه في شقتها وفي كنت رايحاله لقيته هو وأمه قاعدين بيحششوا مع بعض وقالبين البيت غرزة، اتصدمت ورفعت عليه قضية خلع"، أضافت: "لما أهله عرفوا إن أنا رفعت القضية بقا يطلعوا عليا اشاعات ويقولوا عليا كلام محصلش، وبقوا يقولوا على بناتي انهم بنات حرام ومن راجل تاني".
اختتمت ولاء حديثها والدموع تملأ وجهها: "..... سمعتي في الحتة اللي احنا قعدين فيها والناس صدقت وبقوا مقتنعين إني ست مش كويسة، مبقتش عارفة أعمل اية وأنا مليش ولا أم ولا أب يدافع عني وهما ناس مفترية مش راضيين يسبوني في حالي".
أدركت الزوجة أنها غير قادة على أخذ حقها من أهل زوجها بمفردها ما دفعها لرفع دعوى خلع للتخلص منهم ولا تزال القضية منظورة حتى الآن.