زوجة في دعوى تمكين: "جايبلي ضرة في بيتي ومش راضي يديني حاجتي"
«يعتبر فارس الأحلام والفستان الأبيض حلم لكل بنت منذ صغرها، فكل بنت تحلم بالزوج الذي يحقق لها هذا الحلم، لكن في أحيان كثيرة ينقلب الحلم السعيد لكابوس مروع بعد اكتشاف الحقيقة المرة بعد الزواج، ما يؤدي لانتهاء الحلم السعيد في المحاكم».
زوجة في دعوى تمكين: جايبلي ضرة بيتي
«بعد أول سنه من الجواز وهو بقى واحد تاني»: هكذا بدأت الزوجة حديثها مؤكدة تحول الزوج المفاجئ بعد مرور أول سنه، أضافت: "في الأول كان الجواز صالونات ومكناش نعرف بعض بس في فترة الخطوبة مكنش بيزعلني أبدَا وكان بيخاف عليا وحبيته من تعامله معايا"، تابعت: "اتفق معايا ان احنا هنقعد اول سنة من الجاز في بيت اهله وبعدين هنروح في شقة لوحدنا وانا مكنتش حابه دا بس هو كان كويس وقولت استحمل وفعلا قعدنا في بيت أهله بس مش سنه زي ما هو".
تغير الزوج المفاجئ
لاحظت الزوجة تغيرًا مفاجئًا ما جعلها تتساءل عن السبب إلا أنها اكتشفت أنه اتجه لطريق المخدرات، أكملت: "اتغير معايا وبقا يضربني ويبهدلني قدام العيال لو معملتلوش اللي هو عايز وأنا مش فاهمة سبب التغير دا، واكتشفت انه بيشرب مخدرات ولما قولتله اني عرفت قالي ملكيش دعوة أعمل الي أنا عايزه".
ازدادت إهانته لها أمام الأولاد ما جعلها تطلب الطلاق ولكنها رفض، وتابعت: "بقى يضربني ليل ونهار وبقا يشتمني بأفظع الشتايم والجيران بقت تتلم علينا بسبب ضربه وصوته العالي وفي أخر خناقة كان هيموتني في أيده لولا ربنا ستر وفي اليوم دا قررت اني اطلب منه الطلاق".
أضافت: "غضبت وروحت عند بيت أهلي وطلبت منه الطلاق وقالي مش طلقك واللي عندك اعمليه، وفضلت قاعدة عند أهلي شهرين وتلاته ولا فكر يسأل عليا ولا على عياله ولما أهله قالوله إنه يطلقني برضوا موافقش".
أقرأ أيضًا: رفض استئناف الفنان أحمد عز على إلزامه بـ 21 ألف إسترليني لـ"توأم زينة"
خيانة الزوج
تابعت الزوجة: "بعد تلات شهور عرفت إنه اتجوز عليا واحدة تانية في شقتي ولما أهلى راحوله البيت عشان يأخدوا حاجتي اللي في الشقة اتخانف معاه وضربهم، خوفت على أهلي منه عشان هو مجنون وممكن يموت حد منهم".
لجأت الزوجة للقضاء ورفع دعوى تمكين بسبب خوفها على أهلها من الزوج المدمن ولا تزال القضية منظورة حت الآن.