«حطتلي منوم في القهوة».. نص أقوال ضحية قطع عضوه الذكري على يد زوجته بالمطرية

كشفت التحقيقات، في واقعة بتر العضو الذكري لشخص على يد زوجته في منطقة المطرية، التفاصيل الكاملة للجريمة، بعدما عاقبت محكمة الجنايات المتهمة بالسجن المشدد 10 سنوات.

أقوال ضحية قطع عضوه الذكري على يد زوجته بالمطرية

وحصلت «الحادثة» على نص التحقيقات في القضية، التي حملت رقم 15880 لسنة 2022 جنايات المطرية والمقيدة برقم 3458 لسنة 2022 كلي شرق القاهرة، حيث كشفت أقوال الزوج المجني عليه في الحادث التفاصيل الكاملة للواقعة ، وأقرت السيدة التي تدعى "سامية. ف. ب"، أنها قطعت العضو الذكري لزوجها عرفيًا المجني عليه أسامة «خ. ف»، عمدا باستخدام «سكين» وإلقائه في القمامة.

سيدة تقطع العضو الذكري لزوجها في المطرية

“قال أسامة. خ. م المجني عليه في التحقيقات إنه تعرف على زوجته المتهمة منذ أكثر من عامين، وبعدين حصل بينا علاقة عاطفية وطلبت منها الزواج عرفي وهي وافقت وانتقلنا للعيش في منطقة المطرية ومراتي كانت كويسة معايا جدا ومكنش بينا أي خلافات”.

وأكمل المجني عليه بالتحقيقات : .أنه استيقظ من النوم فوجئ بنفسه غارقا في دمائي نتيجة بتر زوجتي عضوي الذكري، واكتشفت أن مراتي كانت حطالي منوم في الأكل ، ومعرفش هي ليه عملت معايا كده".

وحصلت «الحادثة» أيضا على نص أقوال المتهمة بقطع العضو الذكري لزوجها في منطقة المطرية، وجاء في نص التحقيقات التي اجرتها نيابة شرق القاهرة الكلية.

حيث قالت المتهمة الثلاثينية، إنها اشترت شقة سكنية منذ فترة، وسجلتها باسم زوجها، وعندما طلبت منه إعادة تسجيل الشقة باسمها رفض مستمرًا في مماطلتها.

زوجه تقطع العضو الذكرى لزوجها

وأضافت الزوجة، أنها قررت الانتقام من زوجها، وليلة الخميس أعدت له الطعام ووضعت له المخدر، وفور خموله انقضت عليه وقطعت العضو الذكري لديه بسكين وقالت: «كان لازم أندمه».

وتابعت الزوجة في تحقيقات النيابة أن، " ده زوجي عرفي مش رسمي وفعلا قطعتله العضو الذكري بسكين ورميته في الزبالة، أنا منفصلة عن زوجي الأول من 13 سنة واتعرفت على أسامة من حوالي سنتين وأنا كنت عاوزة اشتري شقة علشان عاوزة أقعد فيها لوحدي ومنفعش أخد شقة باسمي وأسامة كان معايا وأخدت أنا وهو شقة باسمه وأنا دفعت فلوسها" .
وأضافت “ كنا مش بنام مع بعض وأنا كنت بنام كل يوم لوحدي في الشقة في أوضة وكنت باخد برشام منوم كل يوم علشان أعرف أنام وهو بینام في أوضة تانية وكل ما أصحي الصبح ألاقي نفسي متبهدلة وكأن حد كان معاشرني جنسيا وفي يوم كنت نايمة وصحيت لقيته مقلعني هدومي وهو كمان كان عريان خالص وكان بيمارس الجنس معايا وكان حالته مش طبيعية زي ما يكون شارب حاجة، فأنا قلتله بتعمل إيه ”.

اقرأ أيضا: ننشر نص اعترافات المتهمة بقطع العضو الذكري لزوجها بالمطرية: «كان لازم أندمه»

وبعد كده ببص لقيت فيه سكينة على الترابيزة جنب السرير ورحت على طول جبت سكينة وقطعت عضوه الذكري والحتة اللي قطعتها رميتها في الزبالة ورميت الزبالة في الشارع وسبت الشقة ومشيت.
كانت محكمة جنايات شمال القاهرة بالعباسية قضت بمعاقبة ربة منزل متهمة بقطع العضو الذكري لزوجها بالسجن المشدد 10 سنوات.