السجن المؤبد للمتهم بقتل والدته خنقا بإيشارب بالمطرية بسبب السحر

قضت محكمة جنايات القاهرة بمعاقبة المتهم بقتل والدته خنقا، داخل شقتها فى منطقة المطرية، بالسجن المؤبد.

المتهم بقتل والدته خنقا

وكان المتهم تم إيداعه قفص الاتهام، وسأله رئيس المحكمة عن ارتكابه للواقعة، فرد المتهم "أيوه قتلت أمى عشان الجن قال لى اعمل كده، وهى عاملالى سحر، والمطرية كلها سحر". وبسؤاله عن وجود محامٍ للدفاع عنه رد أنه ليس معه محامٍ، وكان تقرير الطب النفسي أثبت سلامة قوى المتهم العقلية قبل وأثناء ارتكاب الحادث.

أنا القاتل.. «الجنايات» تُحيل المتهم بقتل أمه للطب النفسي بالعباسية

تحقيقات النيابة مع المتهم بقتل والدته

حصل موقع الحادثة على نص تحقيقات النيابة مع المتهم بقتل والدته في منطقة المطرية أثناء نومها بعدما خنقها بإيشارب، حيث بدأ المحقق بسؤال المتهم:
س: ما تفصيلات إقرارك؟
ج: اللى حصل ان انا كنت رايح اعمل سنانى وركب لى  دكتور السنان شريحة في سنانى والشريحة دى متصلة بعصب مخى وبتسحر وتخلى الناس تقول عليا مجنون والمطرية دى كلها سحر، وبعدين أول امبارح اللى حصل إني كنت نايم على جنبى الشمال ومرة واحدة كأن فيه حد بيشيل البطانية من عليا وفتح عينى، ولقيت نفسى شايف أمى، فأنا كنت محذرها إنى هاموتها، فقمت وقلت لها "موتى – موتى" وقعدت اضرب فيها بإيدى الاتنين في وقت واحد، وده كان السحر اللى معمول هو اللى خلانى أعمل كده، وبعدين قعدت وقلت "الله يرحمك يا أمى، الباقى كله هيموت".
وأضاف المتهم في التحقيقات قائلا" اخدت غويشة وخاتم من إيدها، وبعدين أخدت الفلوس من الدولاب، وأخدت مفاتيح التوك توك، رحت قلت لأبويا بابا تعالى شوف أمى عشان بتنده على أخويا محمد، ونزلت رحت بالتوك توك للدجال وانا باسميه الدكتور، وساعتها جالى وسواس إن الحكومة جاية؛ لأن انا لقيت نفسى عامل جريمة، وبعدين الحكومة جت مسكتنى وقلت لهم على اللى حصل".

س: ما مصدر رزقك؟
ج: أنا سائق توك توك.
س: ما طبيعة العلاقة بينكما ؟
ج: أنا مش عارف اجاوب بسبب ممكن اقول لك اللى في خيالى. أنا علاقتى بيها كانت وحشة.
س: وما سبب ذلك ؟
ج: عشان انا بقول الحقيقة وهى مكنتش بترضى وتقولى اسكت.
س: وما مضمون تلك الحقيقة؟
ج: إن فيه أخ شيطانى اسمه محمد عبد المعطى، وده أخ بيكرهنى كره العمى.
سك متى قمت بارتكاب الواقعة ؟
ج: أنا قتلت أمى امبارح.
س: وما باعثك على قتل المجنى عليها ؟
ج: يمكن كانت عاملة ذنب وربنا كان عايزنى اطهرها وادعى لها طول عمرى.
س: وما الأدوات التي استخدمتها في قتل والدتك؟ 
ج: أنا ضربتها بإيدى وحطيت في بقها إيشارب.
س: وما مدى مقاومة والدتك لك؟
ج: كانت بتحاول تمنعنى كتير، وما كانتش عايزة تموت وكانت بتقول لى هتخش السجن يا فتحى.
وبسؤال والد المتهم وزوج المجنى عليها قال في التحقيقات إن ابنه المتهم قام بحلق شعره، وكان يصلى بصوت عالٍ، ولما سأله عن سبب تغير سلوكه قال له "أنا المهدى المنتظر وإنه بيطلع الشياطين"، مشيرا إلى أنه يوم الحادث كان المتهم مع أمه في غرفة، بينما كان والده في غرفة أخرى، وفى قرابة الساعة السابعة صباحا دخل عليه ابنه المتهم، وطلب منه النزول معه، واستقل معه التوك توك، ثم أخرج له 9 آلاف جنيهن وقال له "أنا قتلت أمى وريحتها من العذاب، دى كانت عاملالى عمل وعملالك انت كمان". 
وأضاف والد المتهم أنه أسرع إلى شقته، ووجد زوجته غارقة في دمائها، فاتصل بابنه الثانى، وقال له "أخوك قتل امك"، ثم أبلغ قسم شرطة المطرية بالواقعة، وتم القبض على المتهم، وبعرض المتهم على مستشفى الصحة النفسية أفادت في تقريرها أن المتهم لا يوجد لديه في الوقت الحالي ولا وقت الواقعة أى أعراض تدل على وجود اضطراب نفسى.