انصحي نفسك.. سمية الخشاب تقدم نصيحة لطلاب الثانوية بخطأ إملائى عبر تويتر

كالعادة تشارك سمية الخشاب متابعيها من طلاب الثانوية العامة عبر صفحتها الرسمية على موقع تويتر، حيث كانت تقدم لهم النصيحة مع قرب الامتحانات، لكنها وقعت فى خطأ إملائى، والخطأ كان في كتابة كلمة فشلة، حيث كتبت فشلا بدلا من فشلة؛ مما أدى لسخرية بعض المتابعين منها.

وكتبت: "طلاب الثانوية العامة أحب أوجهلكم رسالة، مش حتة شهادة هتوقف حلمكم أو هتخليكم تحسوا أنكم (فشلا)، مهما سمعتوا أي كلام سلبي حتى لو من الأهل متاخدوش به، كل واحد يعمل اللي عليه وخلاص".

اقرأ أيضا: محمد الباز عن المطرب احمد سعد: ليه يفرط في نفسه بهذا الشكل؟!

وهذه لم تكن المرة الأولى التى توجه فيها سمية الخشاب نصائح لطلاب الثانية العامة، حيث كتبت أيضاً سمية الخشاب عبر حسابها الشخصى على تويتر عام 2022 قائلة: "حبايبي اللي في ثانوية عامة، محدش يجي علي نفسه خالص صحتكم بالدنيا ومش نهاية العالم ومتخلوش أي حد يأثر بالسلب عليكم وتقدروا تثبتوا نفسكوا فأي مجال أو كلية مش شرط المسمى القديم بتاع كليات القمة ده مفيش قمة، اللي هيشتغل ويحب اللي بيعمله هيبقي في القمة".

كما سألت الطلاب قبل امتحان اللغة العربية للثانوية العامة: "ايه اللى واقف معاكوا فى العربى؟ هنلموا فتويتتين ابعتولى بس".

اقرأ أيضا: بعد تدخل الرئيس السيسي.. إحالة اتحاد المصارعة للنيابة للتحقيق في أزمة هروب بغدودة

وأضافت: "الهدف من نشر المراجعات أو كتابة النصائح هو مساعدة الطلاب، أكيد بحاول أساعدهم، والناس مبسوطة، وعلى فكرة ردود الأفعال حلوة جدا وأنا سعيدة بيها وهكمل".

ووجهت سمية رسالة لطلاب الثانوية العامة، قائلة: "ساعدوا بعض وذاكروا مع بعض وبلاش قلة سلكان عشان كل حاجة بالنيات".

وحظيت تغريدات الفنانة بتفاعل واسع على مواقع التواصل الاجتماعي بين ساخر ومرحب ومنتقد.

اقرأ ايضاً :اللي نصب على من الوسط الفني.. صبري عبد المنعم : تحويشة عمرى راحت

كما نشرت سمية الخشاب من خلال عدة تدوينات وإجابات على تويتر عدة تصريحات خاصة بالزواج والارتباط، كالآتي:

- أي إنسان هدفه الجواز.. اعرفوا انه الـ iq بتاعه قشر لب.

-أي حد في الحياة هدفه الارتباط أو شاغل جزء من تفكيره اعرفوا انه مفيش أمل فيه.. حرق أكسجين على الفاضي.

- شغلك هو سندك، مش الجواز.

- الست اللي سبق لها الزواج لا يعيبها أي شيء، بالعكس بتبقى أكثر خبرة في الحياة.