قصة ميسي من طفل مريض لأعظم لاعب كرة في العالم
في حلقة جديدة من برنامج إنسان على منصات موقع الحادثة، استعرضت مقدمة البرنامج نانسي محمود حكاية لاعب الكرة العالمي ليونيل ميسي، وقالت صاحب قصة النهاردة حكايته بدأت بفضول وشغف تجاه كرة القدم، وتحولت لـ موهبة كبيرة محبوسة جوا جسم محدود، كافح عشان يثبت نفسه وقدراته، قدر يطور نفسه جسديا ووذهنيا. وفي نفس الوقت يرضي أهله اللي بعد عنهم عشان يحقق أحلامه. القصه النهاردة اكيد واضحه احنا هنتكلم عن اللاعب ليونيل ميسي أشهر وأمهر لاعب في تاريخ الكرة.
ميسي اتولد الساعة 7 الصبح يوم ٢٤/٦/ ١٩٨٧في مستشفى روساريو يعني دلوقتي في 2023 عنده 35 سنة، اليوم اللي اتولد فيه كان يوم ممطر وده فال خير زي مابيعتقد أهل الأرجنتين، والي واضح إن عندهم حق في الاعتقاد ده.
عائلة ميسي كانت بسيطة وعادية، خورخي اللي هو والد ميسي كان رئيس قسم في شركة، وسيسليا اللي هي والدته كانت بتشتغل في ورشة تصنيع معادن، خلفوا ولدين قبل ميسي، ولما سيسليا حملت للمرة التالته كان العيلة مستنية يكون الطفل الجاي بنت، مايعرفوش إن الولد اللي ماكنش نفسهم فيه اسمه هيتخلد في التاريخ ويكون من أعظم لاعبي كرة القدم في العالم.
ميسي تعاطى حقن بتساعده أنه يطول
ميسي لما كان عنده 13 سنة وقف طوله عند 128 سنتي... وكان العلاج لهذا المرض هو أنه لازم يأخذ إبر (حقن ) والإبر دى كانت مكلفة جداا على عائلته.
بس كان التأمين اللي بياخده والده من الشركة اللي شغال فيها كان بيغطي جزء كبير من تكلفة الحقنة دي، اللي كان المفروض ميسي ياخدها يوميا لمدة سنين طويلة عشان يخف ونمو جسمه يبقى طبيعي كانت الدنيا ماشية تمام لحد ما قررت الشركة إنها تبطل تدفع التأمين، اللي كان والد ميسي معتمد عليه بشكل أساسي..
وهنا فكر والد ميسي يكلم النادي اللي ميسي بيلعب فيه ويطلب منه يدفع تمن العلاج، بس بعدين قررو ينقلوه نادي تاني عشان يتحمل تكاليف العلاج لكن نادي جولد بويز رفض لان الولد إللى قدامهم ده جوهرة وفرصه كبيره ليهم، بس كان وقتها والد ميسي كلم النادي التاني.. وحصل منافسة وخناقة بين الناديين على ميسي.
