ليه الأبناء بيكرهوا الآباء.. الإجابة هتلاقيها في برنامج «under age»
في حلقة جديدة من برنامج under age، على منصات موقع الحادثة، جرى مناقشة الاضطرابات النفسية الناتجة عن معاملة الأهل وتحديدًا الأب والأم، لأطفالهم واللي بتوصلنا لأننا نشوف كلام كتير عن كره الأبناء للآباء.
في كتب ودراسات نفسية واجتماعية كتير رصدت ليه الأبناء بيكرهوا أبائهم، فيه أسباب تتعلق بالمعاملة العنيفة من الأباء للأبناء وده مفهوم أنه يربى عند الأبناء trauma لكن الغريب أن فيه أفعال ممكن نشوفها بسيطة عادية مفيهاش عنف وضرب ومنتوقعش أنها تأثر كل التأثير ده على الأطفال.. بس في الحقيقة هي متفرقش كتير في تأثيراتها عن العنف والضرب وهنا ممكن نستعير quote كتبها طفل اسمه مجدي لما طبيبه النفسي طلب منه يكتب ذكرياته مع أبوه وأمه.
حسب كتاب الإساءة إلى الأطفال للطبيب النفسي والأديب الدكتور أوسم وصفي مجدي، كتب جملة بتعبر عن تأثير الأفعال البسيطة في نفوس الأطفال.
قال "أذكر أنني عندما كنت أمشي في الشارع مع أبي، كنت أتمنى أن يضع يده في يدي أو يطوّق عنقي بذراعه ونحن نمشي، لكنّه كان يمشي بعيدًا عني ربما بمترٍ أو أكثر".
ممكن تشوف تصرف الأب هنا بسيط وما يستدعيش أن مجدي يحمل مشاعر سلبية تجاه والده لكن في الحقيقة لا .. على قد ما الحضن يبان فعل بسيط جدا الا ان اثره النفسي على الأطفال كبير وبيسيب فيهم علامة ساعات مابتتشلش بسهوله وبتقلب معهم أحيانا بـ Abandonment issus أو فوبيا الهجر، أو تقلب بـ commitment issus أو فوبيا الحميمة
الكاتب عماد رشاد ألف كتاب بعنوان أبي الذي أكره، وحاول فيه يوضح معنى الهجر النفسي وإنك لو مالقتش نفسك وسط أهلك مش هتعرف تلاقيها مع حد..
الاضطرابات والإساءة وتأثيرها في تكوين الشخصية
الإضرابات والإساءة اللى سببها الأهل ممكن ميظهرش أثرها في لحظتها بس بتساعد في تكوين شخصيتك.. وده خطير جدا لإن شخصيتك دي أنت هتدخل بيها علاقات وهتبقى أب وتربى ابنك.
لمعرفة التفاصيل تابع الفيديو.
تابع أحدث الأخبار عبر
