جراح خارج السرب.. مجدى يعقوب أسطورة الطب في العالم

رصد برنامج  إنسان الذى تقدمة نانسي محمود على موقع الحادثة  قصة الجراح العالمي مجدى يعقوب.. إذا لم أكن أريد أن أصبح جراحًا ، فقد أردت أن أصبح مزارعًا أو أزرع البرتقال أو شيء من هذا القبيل. أنا أزرع الزهور الآن – بساتين الفاكهة. هذا شيء أجده ممتعًا للغاية ، هكذا عبر السير مجدى يعقوب عن أحلامه التي كان يحلم بتحقيقها.

جراح خارج السرب 
 

* اتولد الدكتور مجدى يعقوب في بلبيس في الشرقية 16 نوفمبر 1935، لما كان عنده 5 سنين حصله موقف غير مسار حياته كلها هو ده الدافع الأساسي اللي خلى من مجدى الولد الصغير اللي ماكنش في دماغه حاجة للسير مجدى يعقوب أعظم جراح قلب.

*والد مجدى يعقوب كان دكتور جراح  وكان عنده أخت عندها 25 سنة وكان متعلق بيها أوي، وهي في عز شبابها كده جالها مرض خطير جدا في القلب ، كان عندها ضيق في صمام القلب للأسف مرض زى وقتها كان خطير وشديد وده كان سبب وفاتها ، والد مجدي يعقوب انصدم وزعل جدا وتأثر على وفاة أخته فترة طويلة.

* مجدي يعقوب ماكنش فاهم موقف وفاة شقيقته كيف حصل لكنه كان زعلان على زعل باباه ، وراح سأله هو ايه اللي حصل؟ ، وأجاب ، "وقاله لو كنا بره كان زمانها اتعالجت لان العلاج ده موجود في بريطانيا وكندا ومصر مفيهاش العلاج ده.

 مجدى يعقوب أسطورة الطب في العالم 
 

*الكلام اللي قاله والد مجدى يعقوب لابنه كان صعب وتقيل ، “لم يتمكن مجدي يعقوب ينساه حتى الأن، لكن في نفس الوقت عمل جواه حالة من التحدي ، قرر ينفذ اللي قاله ويثبت أن حكم ولده غلط”.

*بالفعل مجدى يعقوب اجتهد و اشتعل وفي سنة 1953  كانت أول خطوة فعليه في تحقيق حلمة ، دخل مجدى يعقوب كلية الطب جامعه القاهرة ، بعد ما اتخرج بسنتين سافر بريطانيا واشتعل في مستشفى الصدر في لندن ، وفضل هناك حوالى 9 سنين وتميز جدا في مجال الطب هناك ، لحد ما بقى أخصائي القلب والرئتين في مستشفى هارفرد، واجتهد جدا في شغله لحد ما بقى مدير قسم الأبحاث العلمية والتعليم، ووصل المستشفى لأنها تكون المستشفى الرئيسية لزراعه الأعضاء وجراحه القلب.

* مجدي يعقوب بقى دكتور جامعي في جامعتين وأنه بقي عضو في بعض الجامعات مثل جامعة الملكية والأكاديمية الفرنسية للعلوم وغيرهم كمان.

عشرين ألف عمليه قلب في بريطانيا

*مجدى يعقوب عمل أكثر من عشرين ألف عمليه قلب في بريطانيا  

*مجدي يعقوب على الجانب الإنساني ، كان معروف عنه إنه عطوف جدًا وعطفه ده خلاه يعمل معجزات .

*مجدي يعقوب تقاعد وبطل يعمل عمليات بنفسه لما وصل لـ 65 سنة ، لكن قابله حالة إنسانية فكرته بأول موقف في مؤثر في حياته وهو وفاة عمته خلته يدخل تاني أوصه العمليات ويطلع منتصر.

“الحالة دي كانت بنت وهي طفلة عانت من مشاكل في القلب وعملت عمليات ونجحت، لكن تأثير العمليات دي عليها بعد فترة كان قاتل ، البنت بدأ يطلعلها أورام في القلب وكان لازم تدخل سريع ، دكاترة كثير رفضوا حالة البنت وقاله إنها كدا كدا هتموت ، لكن الدكتور مجدي يعقوب قرر إنه يدخل معاها غرفة العمليات ويخرج منها منتصر، والعملية تنجح والبنت بعد ما كانت شايفة الموت قدامها كملة حياتها وكمان اتجوزت ومخلفة وعايشه حياة سعيدة” .

تأثر الملكة إليزابيث بالجراح المصري مجدى يعقوب

*حالة البت دي عملت ضجة كبيرة في الصحافة البريطانية والعالمية ، لدرجة إنها وصلت للملكة إليزابيث اللي تأثرت  بالقصة وقررت تعطي مجدي يعقوب لقب سير واللقب في بريطانيا معناه الفارس وهو أعلى لقب في المملكة.

*إنجازات مجدي يعقوب لم تقف عند لقب السير، لأ ده كمان دخل موسوعة جينيس بسبب راجل إنجليزي اسمه جون عمله مجدي يعقوب زراعة قلب ، والعمليات اللي زي دي أقصى عمر يعيش بعده المريض بعد العملية من 5 لـ 10 سنين..لكن جون عاش بعد عملية مجدي يعقوب 33 سنة ودي كانت أطول مدة يعيشها شخص في العالم بقلب منقول.

*تم تكريم السير مجدى يعقوب من دول كثير غير بريطانيا زي كازاخستان  وروما ولبنان ومصر طبعا وفي مصر اتعمل له تمثالين واحد ف أسوان والتاني في الشرقية.

*بعد ما خلص إنجازاته بره قرر إنه يفيد بلده ويبدأ بتأسيس وتطوير أحد مراكز رعاية القلب في محافظة أسوان في مصر، اللي هي مؤسسة دكتور مجدي يعقوب لأمراض وأبحاث القلب ، ومن هنا نعرف أن دكتور مجدى يعقوب قبل ما يكون دكتور ف هو انسان عظيم  

تابع أحدث الأخبار عبر