أخبار محكمة الأسرة اليوم
أحمد في محكمة الأسرة: بتستناني أنام عشان تكلم عشيقها
بعد استقرار وحب دام لمدة 15 عاما في الحياة الزوجية، انقلب كل شيء رأسًا على عقب بعد ما اكتشف الزوج خيانة زوجته من خلال المكالمات الهاتفية، وكان الطلاق هو رده عليها.
قصص محكمة الأسرة.. كنت بعمل لها كل اللي نفسها فيه
"كنت بعمل لها كل حاجة هي عايزاها"، بهذه العبارة استهل أحمد حكايته للحادثة، مؤكدا أن حياتهما الزوجية كانت تسير على ما يرام، وتابع قائلا: "كل الناس كانت بتحسدنا على حياتنا لأننا متجوزين عن حب وحياتنا كانت الحمد لله كويسة وحلوة، وانا كنت دايما بعمل اللي أقدر عليه عشان أخليها مش محتاجة حاجة".
حكايات محكمة الأسرة
لاحظ أحمد تغير زوجته معه في المعاملة؛ لذا بدأ الشك يحاوطه بعد ما استمرت على هذا الحال لفترة طويلة، وكانت الصدمة الكبيرة عندما اكتشف السبب وراء كل هذا التغير، وتابع روايته بقوله: "هي كانت بالنسبة لي آية، وهي برضو كانت بتحبني وحياتنا ماشية كويس جدا، بس بدأت ألاحظ إنها متغيرة معايا بقالها فترة، وما كنتش فاهم إيه السبب، بس بعد كده عرفت السبب".
روايات محكمة الأسرة.. بتكلم عشيقها
بدأ أحمد يراقب تصرفات زوجته، وكانت الصدمة هنا، واستكمل حكايته بقوله: "لما حسيت إن فيه حاجة غلط بدأت أركز معاها واشوفها هي بتعمل إيه، وقي يوم بالليل هي كانت بتحسبني نايم راحت قامت من جنبي عشان تكلم راجل في التليفون، ما كنتش مصدق نفسي إنها تعمل كده فيا، بس طلع إنها بتكلمه بقالها فترة، وأنا كل ده ما اعرفش، طلقتها على طول، دلوقتي عايزة تنتقم مني عشان طلقتها وجاية ترفع قضية نفقة للعيال".
تابع أحدث الأخبار عبر
