أخبار محكمة الأسرة
«معايا 3 عيال وهو الرابع».. سمر تطلب الخلع لسبب طريف
ضمن الطرائف التي شهدتها محكمة الأسرة دعوى الخلع التي قصدتها سمر بسبب تعامل زوجها الذي يشبه الأطفال، علاوة على عدم تحمله أي مسئوليه تجاهها هي والأولاد لذا قررت في النهاية رفع دعوى خلع.
روايات محكمة الأسرة.. بتعامل مع عيل
"معايا 3 عيال وهو الرابع"، بهذه العبارة استهلت سمر حكايتها لقاضي محكمة الأسرة مؤكدة أن جميع المشكلات كان سببها الزوج بسبب أفعاله وتصرفاته معها التي جعلت الخلافات تتصاعد بينهما، استكملت باقي روايتها للقاضي قائلة: "مكنش كدا في الأول وكان راجل وبيتعامل عادي زي بقية الرجالة بس كل دا اتغير بقاله سنتين تلاتة مش عارفة إيه اللي حصله".
قصص محكمة الأسرة
تفاقمت المشكلات بينهما بسبب تصرفات ازوج لذا بدأت سمر التفكير في الطلاق والابتعاد عن هذه الحياة المليئة بالمشكلات والخلافات، تابعت بقولها: "بقى غريب في التعامل دا غير إنه قاعد في البيت من غير أي شغل، وكل ما أقوله لازم تنزل الشغل عشان تصرف على العيال بيقول لي لا مش هنزل شغل واللي عندك اعمليه، وبقى يستعبط معايا في التعامل ويعمل نفسه تعبان عشان مينزلش شغل، وأنا كنت شغالة عشان كدا مبركزش وأنا اللي كنت بصرف عادي على البيت".
روايات محكمة الأسرة.. بيشبط في المصاصة
لم تكن أزمة العمل هي المشكلة الأساسية بل تغيره في التعامل معها كان هو السبب الرئيسي في قصدها محكمة الأسرة وطلب الخلع، اختتمت سمر روايتها بقولها: "بقى عامل زي العيل كل ما نروح في مكان والعيال عايزين حاجة يقول لي أنا كمان عايز زيهم، ووصل بيه الحال إن لما العيال تطلب مصاصة يقولي أنا عايز زيهم، مش فاهمة إيه اللي حصله وليه بقا يتعامل زي العيال كدا، وبقا كدا في كل حاجة ومبقتش عارفة اتعامل"، بعد ما فقدت الأمل في تغير حياتها قررت قصد مكمة الأسرة وإقامة دعوى خلع.
تابع أحدث الأخبار عبر
