أخبار محكمة الأسرة اليوم
«جاية المحكمة بسبب أبويا».. ندى في دعوى نفقة: عايز يدمر مستقبلنا
لجأت «ندى» لتحتمي في محكمة الأسرة بعد أن واجهت الغدر والقسوة من الشخص الذي كان من المفترض أن يكون سندها في الدنيا، لم يكن والدها أب بمعنى الكلمة فدمر حياة أبنائه ولم يكفيه الأذى الذي عرض أسرته له لكنه مازال يحاول أن يدمر ما نبقى من حياتهم.
قصص محكمة الأسرة.. جاية المحكمة بسبب أبويا
قالت «سارة» في بداية حديثها: «أنا لسه تامه 18 سنة، أويا وأمي متجوزين بقالهم 20 سنة تقريبا، وجيت المحكمة بسبب أبويا عشان أرفع عليه قضية، لأن طول الـ السنين اللي عاش فيها مع أمي ورانا البهدلة والإهانة طول الفترة دي»
دعاوي محكمة الأسرة.. أبويا مبهدل أمي من زمان
أكملت الزوجة حديثها وقالت: «المشاكل بينه وبين أمي من زمان كان ميتعاشرش، مبهدلها من يوم ما اتجوزها بيأذيها وبيهنها ومبيصرفش عليها، أمي طول السنين دي مكنتش بتعمل مشاكل عشان ميطلقوش والبيت يتخرب عشان خاطري أنا وأخواتي، استحملته 18 سنة لحد ما فاض بيها الكيل وطفح».
حكايات محكمة الأسرة.. مسابش لينا أي حاجة
تابعت كلامها قائلة: «كان مبهدلها ومبهدلنا معاها، ضرب وإهانة بسبب ومن غير سبب، لو طلبنا أي حاجة تترفض ويبهدلنا، كانت بتحوش عشان لو احتاجنا أي حاجة ولو لقى الفلوس ياخدها وميبسبش أي حاجة لينا ولا بيصرف ولا بيسأل أهم حاجة عنده نفسه وبس مش مهم أي حد تاني».
قضايا محكمة الأسرة.. قضية نفقة على أبويا
أنهت حديثها وقالت: «لحد أخر مشكلة حصلت بينه وبين أمي كانت بسبب تافه، وقتها أمي سابت البيت وخدتنا ورحنا عند جدي احنا اللي قولنا ساعتها سيبيه أحنا مش عايزين نعيش معاه تاني، ومن ساعة ما مشينا مسألش علينا ولا حاول يرجعنا واحنا مش عايزين نرجعله تاني، ولما معرفش يخيلنا نرجع، سحب ورقنا من المدرسة عشان يبهدلنا تاني حتى بعد ما سيبناه عشان يدمر مستقبلنا، وجيت عشان أرفع عليه قضية نفقة عشان نعرف ناخد حقنا».
تابع أحدث الأخبار عبر
