بماذا علق شقيق شيرين عبد الوهاب على تقديمها بلاغا ضده؟ (القصة الكاملة)

رد محمد عبد الوهاب شقيق الفنانة شيرين عبد الوهاب على تصريحاتها التي أكدت فيها أنها تعرضت لمؤامرة كبيرة، وتقديمها بلاغا رسميا ضده، تتهمه فيه باستغلالها ماديا، والتنازل عن حساباتها على السوشيال ميديا لأحد المنتجين بموجب توكيل شخصي له.

شقيق الفنانة شيرين عبد الوهاب يرد

وكتب محمد عبد الوهاب على حسابه الشخصي بموقع التواصل الاجتماعي "فيسبوك" صورة من قرار النيابة العامة بحفظ كل الاتهامات التي تم توجيهها إليه بتاريخ 19 ديسمبر عام 2022.

وكتب محمد عبد الوهاب على حسابه الرسمي على فيس بوك "كل واحد عنده قدرة على تحمل الأذى، لكن للقدرة دي حدود.. ده قرار النيابة العامة بالحفظ إداريا في كل الاتهامات اللي اتوجهت ليا بتاريخ 19/12/2022 يعني من سنتين.

وتساءل محمد عبد الوهاب "إيه هي بقي الاتهامات دي؟ كسر الضلع والعشرين راجل اللي دخلت بيهم على اختي! وطبعا موضوع السكينة! واتسألت علي التوكيل بتاعي وبتاع امي من وكيل النيابة المحترم وكله مثبت، س سوال ج جواب. التوكيل اللي بتقول ان انا أسأت استخدامه!".

وأضاف شقيق شيرين عبد الوهاب "وده إن دل على شيء فهو يدل على إني مش عايز أختي شكلها يبقي وحش قدام الناس وقدام جمهورها والأهم أمي اللي كنت مفهمها ان بنتها اتنازلت وانا  أستحمل أي حاجة إلا إنها تتوجع في ولادها".

وتابع "وبناء عليه رضيت بالظلم لوحدي، لكن الحقيقة غير كده، انا اتطلبت في النيابة واتسألت رسمي، وتم اخلاء سبيلي من النيابة على ذمة القضية لحد مااتحفظت القضية بس انتي بقي بشطارتك وبأهل الشر اللي حواليكي اللي خسروكي نفسك وأهلك، خليتيني النهارده أطلع أقول جزء من الحقيقة للناس، رغم إن ده آخر حل كنت أحب ألجأ ليه. وده حق ربنا لا ظلم ولا افترى". 

وكشف محمد عبد الوهاب أن "نفس الكلام اللي من سنتين بيتعاد تاني ما اعرفش لمصلحة مين، مع اني بعيد عنك وعن حياتك من سنين قبل الواقعة وسنتين من بعدها".

واستكمل شقيق شيرين عبد الوهاب "ده قرار النيابة العامة الموقرة في الافتراءات اللي اتوجهتلي، مش بيان من محامي. وأي حاجه هرد بيها هتكون مستند حكومي عليه ختم النسر".

وأضاف محمد عبد الوهاب إلى منشوره فيديو، وكتب "مرفق هنا الفيديو بتاريخ 11/11/022 اللي قلتي فيه انك اتنازلتي ولعبتي دور الضحية، ومرفق برضو المستندات الرسمية اللي بتثبت إن القضية فضلت شغالة وكنتي هتتسببي في حبس أخوكي ظلم وهو لحد آخر لحظة بيحاول يحميكي ويحمي أمك ويحمي بناتك".

تابع أحدث الأخبار عبر