أخبار محكمة الأسرة
المخدرات ضيعته.. هدى في دعوى خلع: بيضربني قدام عيالي
بخطوات مثقلة توجهت هدى نحو محكمة الأسرة تطلب الخلع بعد 23 عاما من المعاناة مع زوجها المدمن، الذي كان السبب في خراب استقرار منزلهما.
حكايات محكمة الأسرة.. المخدرات ضيعته
"بقالي 23 سنة باعاني معاه بسبب المخدرات اللي بوظت حياتنا".. كانت هذه الكلمات الأولى في رواية هدى التي قصدت محكمة الأسرة تطلب الخلع بعد سنوات من المعافرة في حياة فاشلة كان سببها إدمان الزوج المفرط، وأضافت: "متجوزاه وأنا عارفة إنه ممدن، بس كنت فاكرة إن الجواز هيغيره، بس ما فيش أي حاجة حصلت ولسه زي ما هو، بالعكس الأنواع الجديدة اللي طلعت السنين اللي فاتت بوظت الدنيا خالص وخلته مجنون ومش عارفة اتعامل معاه خالص".
قصص محكمة الأسرة..
حاولت بكل الطرق إصلاح حياتها، ولكن كان الزوج يتمادى في إدمانه الذي غيب عقله، وأصبح غير مدرك لتصرفاته في التعامل مع زوجته وأولاده؛ ما جعل المشكلات تتفاقم بينهما بسبب المخدرات، وتابعت هدى حكايتها أمام قاضي محكمة الأسرة قائلة: "حاولت معاه كتير إني أخليه يبطل، بس ما عرفتش للأسف، وكنت باقول يمكن ربنا يهديه، بس كان بيزيد كل شوية، لحد ما بقتش عارفة اتعامل معاه خالص، بالذات آخر سنتين، وما بقاش عارف هو بيتعامل إزاي ولا بيقول إيه".
روايات محكمة الأسرة.. بيضربني قدام عيالي
تفاقمت المشكلات في آخر سنتين؛ ما جعلها تقصد محكمة الأسرة؛ لرفع دعوى خلع بعد 23 سنة، واختتمت حكايتها قائلة: "مش قادرة أكمل معاه بالطريقة دي؛ لأن كل حاجة بيتعصب عليا ويضربني، حتى لما العيال بقوا كبار، وهو لسه بيضربني قدامهم؛ عشان كده رفعت قضية خلع بقالي 8 شهور"، ولا تزال الدعوى منظورة في محكمة الأسرة حتى الآن.
تابع أحدث الأخبار عبر
