أخبار محكمة الأسرة
«فاكر نفسه توم كروز».. أسماء: عايش على الموضة وعياله مش لاقيه اللقمة
دعوى نفقة قصدتها الزوجة بعد معاناة مع زوج بخيل لا ينفق عليها هي والأولاد بسبب اهتمامه الزيادة بالملابس دون الالتفات إلى متطلبات المنزل الأساسية، قررت بعد 11 عامًا التوجه إلى محكمة الأسرة ورفع دعوى نفقة.
قصص محكمة الأسرة.. بيحب اللبس زي عينيه
لاحظت «أسماء» اهتمام محمود خطيبها ولكنها كانت لا تعتبرها أزمة، لأنه ظنت أن أولوياته ستتغير بعد الزواج ويلتفت إلى مسئوليات المنزل والأولاد، ولكن ما حدث عكس ما ظنته أسماء، استهلت حكاياتها لـ "موقع الحادثة" قائلة: "من ساعة ما عرفته وهو بيحب اللبس والهدوم وبيهتم إنه يجيبها من أماكن غالية وبراندات وكأنه توم كروز، كنت بقول مش مهم أكيد هيتغير بعد الجواز وهيبقى همه طلبات البيت والعيال، بس برضو لسه زي ما هو متغيرش، ومش همه أي حاجة غير اللبس والبراندات".
حكايات محكمة الأسرة.. مش همه عياله
جميع الخلافات والمشاجرات بينهم بسبب الاهتمام المبالغ بالملابس وإنفاق كل مرتبه الشهري على مظهره الخارجي، وعندما تطلب منه الزوجة مصروفات للمنز يكون رده "أعملك إيه يعني"، تستكمل حكاياتها قائلة: "كنت فاكراه هيتغير لما نخلف وهيبقى همه العيال ومصاريفهم، بس لسه زي ما هو ومفيش أي حاجة بتتغير، وأنا مش عارفة أصرف على العيال وكل شوية خناق على الموضوع دا وأنا مببقاش لاقيه فلوس أجيب بيها أكل ليا أنا والعيال، بس كل دا مش فارق معاه المهم إنه يجيب أغلى لبس ويهتم بمظهره حتى لو على حساب بيته وعياله".
روايات محكمة الأسرة
استمرت الخلافات والمشاجرات بينهما للسبب ذاته ما جعلها تفكر في قصد محكمة الأسرة من أجل رفع دعوى نفقة بعد ما فقدت الأمل في تغير الزوج والالتفات لمصلحة بيته وأولاده، أضافت أسماء: "بقالنا 11 سنة في نفس المشاكل وهو مش هامه عياله ولا مصاريفهم، زهقت من الخناق على نفس الموضوع، رفعت عليه قضية نفقة يمكن يعرف إن الله حق ويصرف على عياله".
تابع أحدث الأخبار عبر
