أخبار محكمة الأسرة
«متقمص دور زينهم السلحدر».. هدى بدعوى نفقة: مبسوط ماديًا وسايبنا عايشين من خير الجيران
سنوات من المعاناة تحملتها الزوجة مع رجل بخيل لا يريد الإنفاق عليها هي والأولاد، وبعد ما تصاعدت الأمور تركت المنزل واستأجرت غرفة لها وأصبحت تعيش على الأموال التي تأخذها من الجيران، لجأت إلى محكمة الأسرة من أجل رفع دعوى نفقة.
قصص محكمة الأسرة.. مبيطلعش الجنيه من جيبه
استهلت هدى قصتها لقاضي محكمة الأسرة بقولها: مبيصرفش عليا من ساعة ما اتجوزته وبيستخسر الجنيه فيا مع إن معاه فلوس مبسوط ومرتبه يكفينا وزيادة"، استرجعت الزوجة الحال قبل الزواج مؤكدة أن الأمور كانت جيدة وانه كان كريم معها يلبي كافة طلباتها دون أي مشكلات أو خلافات قائلة: "قبل الجواز كان بيتمنالي الرضا أرضى، بس كل دا اتغير بعد الجوزا ولقيت واحد تاني خالص مش راض يصرف عليا جنيه".
حكايات محكمة الأسرة
استمر الحال لسنوات طويلة ما جعل المشكلات والخلافات تنشب بينهما وتتمادى مع مرور الوقت، استكملت حكياها للقاضي مضيفة: "كل الخناقات بينا كانت بسبب المصاريف وإن مش عايز يطلع جيبه، كنت فاكرة هيتغير بعد ما اخلف بس الحقيقة إن الموضوع زاد ومتغير ولا حاجة، كمل زي ما هو وبخله زاد كمان، حتى لما الأهل اتدخلوا بينا كتير عشان الأمور تهدى ويصرف على البيت زي أي راجل بس مفيش فايدة فيه برضو".
عجائب محكمة الأسرة.. بسترزق من الجيران
تركت الزوجة المنزل ولجأت لتأجير غرفة بعيدًا عن زوجا البخيل وكانت تعيش على الأموال التي تأخذها من الجيران، أضافت: "تعبت من معاملته معايا، سبت البيت أنا والعيال وأجرت أوضه ليا أنا وهما وبقيت عايشة على الفلوس اللي بيدوهالي، وبقيت بسترزق منهم، كل واحد بيديني اللي بيقدر عليه 50 جنيه، 100، واديني عايشة بيهم".
بعد تفكير طويل قررت قصد محكمة الأسرة من أجل رفع دعوى نفقة لعلها تكون الحل لمشكلتها مع زوجها البخيل، ولا تزال الدعوى منظورة في المحكمة حتى الآن.
تابع أحدث الأخبار عبر
