أخبار محكمة الأسرة
عجائب محكمة الأسرة.. وفاء: المخدرات ضيعته ومش معترف بعياله
حياة صعبة عاشتها الزوجة في منزل كله مشكلات وخلافات بسبب لزوج الذي اتجه لطريق المخدرات والإدمان وكان هذا السبب الرئيسي في تصاعد الخلافات بينهما وتطرقت المشكلات إلى أنه أصبح غير معترف بأولاده، ما جعلها تلجأ إلى محكمة الأسرة ورفع دعوى خلع.
حكايات محكمة الأسرة
"الدنيا كانت كويسة ومفيش اي مشاكل بس أول لما عرف طريق المخدرات والدنيا اتشقلبت ولقيت واحد تاني" بهذه الكلمات بدأت حكاياتها لقاضي محكمة الأسرة، مؤكدة أن المشكلات حاصرت عش الزوجية من بداية الزواج، ورغم كل محاولاتها إلا أنها فشلت جميعًا بسبب استمرار الزوج في افتعال المشكلات بينهما.
قصص محكمة الأسرة.. جيت على نفسي عشان البيت والعيال
تركت المنزل كثيرًا بسبب الخلافات بينهما وكل مرة تظن انها الطريقة التي تحل مشكلاتها معه ولكنها مخطئة لأن إدمان الزوج يزداد مع مرور الوقت ما جعل الأمور والتعايش بينهما شبه مستحيلة، تابعت رواياتها قائلة: "في الخناقات دي من ساعة مااتجوزنا، وأنا عملت معاه كل حاجة عشان الدنيا تمشي ونت فاكرة إنه هيبطل القرف اللي بيشرب دا، بس بالعكش بيزيد في الإدمان، أنا كل مرة أسب البيت وارجع تاني وأقول حرام البيت والعيال بلاش اخربه واضيع البيت، وكان عندي أمل إنه يتغير".
روايات محكمة الأسرة.. مش عايز يعترف بعياله
تدهورت الأمور بينهما بسبب إدمان الزوج الذي غيب عقله عن التصرفات والأفعال، استكملت حكاياتها قائلة: "بقى يقول حاجات غريبة ويعمل حاجت غريبة ومش فاهماها، ووصل بيه الحال إنه بيقولي العيال دول مش عيال شوفي انتي جيباهم منين، مقدرتش استحمل اللي بيعمله دا، سبت له البيت وطلبت منه الطلاق بس موافقش عشان كدا رفعت قضي خلع في المحكمة بقالي 6 شهور"، ولا تزال الدعوى منظورة حتى الآن.
تابع أحدث الأخبار عبر
