أخبار محكمة الأسرة
مها لـ حكايات محكمة الأسرة : شايلة مسئوليته هو والعيال بقالي 12 سنة
زوج قرر التكاسل في المنزل دون أي مبررات، وقرر تخليه عن مسئولية زوجته وأولاده، على الجانب الأخر كانت الزوجة هي المسئولة عن كل صغيرة وكبيرة في حياتها دون أي مجهود من زوجها، بعد ما استمر الحال لأكثر من 12 عام أصرت الزوجة في النهاية قصد محكمة الأسرة ورفع دعوى طلاق.
حكايات محكمة الأسرة
تستهل الزوجة حكاياتها لقاضي محكمة الأسرة مؤكدة أنها نفذت طاقتها في حياة كانت هي المسئول الأول والأخير عن منزل الزوجية، دون تحمل الزوج أي مسئوليات تخصها هي والأولاد، من هنا بدأت المشكلات تحاصر حياتهما الزوجية، تابعت: "من ساعة ما اتجوزت وأنا المسئولة عن كل حاجة في البيت وهو ميعرفش أي حاجة عني أنا والعيال، في الأول كان شغال عادي بس مكنش بيصرف أوي على ابيت وكنت بصرف من شغلي، بس فجأة قرر يقعد في البيت من غير ولا شغلة ولا مشغلة، كنت وأنا اللي بقيت شايلة كل حاجة منغير مايدفع ولا جنيه، كنت فاكرة في الأول ظروف والدنيا هتتحسن بس مفيش فايدة".
قصص محكمة الأسرة
تفاقمت المشكلات في عش الزوجية بسبب استهتار الزوج بمسئوليات زوجته وأولاده، تستكمل مها حكاياتها للقاضي قائلة: "صبرت وأنا اللي كنت متحملة كل حاجة في البيت عشان خاطر العيال وعشان مخربش البيت، وأقول دلوقتي هيتغير كمان شوية هيتغير بس مفبيش فايدة فيه، من بجاحته بيجي يطلب مني فلوسه كمان بدل ما يتكسف على دمه وينزل يشتغل".
دعاوي محكمة الأسرة.. مها في دعوى طلاق
سلكت مها طريق القضاء بعد 12 عام على هذا الحال بعد ما تفاقمت المشكلات لذا وجدت نفسها غير قادرة على تحمل الاستمرار في هذه الحياة مع زوج لا يبالي، أنهت مها رواياتها قائلة: "استحملته كتير قلت يمكن يتغير بس مفيش فايدة فيه، لسة مكمل في الطريقة بتاعته دي من غير ولا شغلة ولا مشغلة مش فارق معاه العيال ولا مسئولية البيت، وكل حاجة عمالة تزيد عليا وأنا لوحدي مش لاقية حد اتسند عليه، عشان كدا رفعت قضية طلاق بقالي 3 شهور"، لا تزال الدعوى منظورة في المحكمة حتى الآن.
تابع أحدث الأخبار عبر
