محكمة الأسرة اليوم
«رافع رؤية عِند».. خلود لمحكمة الأسرة: بيشوف ابنه 5 دقايق وجايبله اكتئاب
تزوجت «خلود» أملًا أن تحيا حياة مستقرة في بيتها لكن لم تنعم بهذه الحياة ووجدت نفسها على أعتاب محكمة الأسرة بسبب زوجها الذي لم يكن سندًا وتركها هي وابنهما دون سؤال أو مصاريف وسافر دولة أخرى والمرة التي عاد فيها لمصر كانت من أجل نفسه وحتى يتزوج فقط، واضطرت بسبب إهماله أن تتوجه لمحكمة الأسرة لتستنجد بها.
قصص محكمة الأسرة..متجوزة جواز صالونات
قالت «خلود» في بداية حديثها: «أنا متجوزة بقالي 9 سنين، خلفت من جوزي ولد واحد وسايباه بقالي سنتين هو اللي سابني ومرضيش يكمل معايا، الأول الدنيا كانت كويسة كنا زي باقي الناس متجوزين وكان جوازنا صالونات عرفن عن بعض عن طريق الأهالي، وهو كان بيصرف عليا وعلى ابني وأنا كنت قاعدة في البيت ومخليه بالي من الولد هو طلب مني كدة وأنا وافقت ».
دعاوي محكمة الأسرة.. زهق من الحياة معايا
أكملت الزوجة حديثها وقالت: «بعد فترة من الجواز اتغير وبقى مبيصرفش ومبيقعدش معانا في البيت ولو اتكلمت معاه يقولي مشغول، ولو طلبت منه يقعد معانا حتى يقولي إنه زهق مني ومش عايز يقعد معايا ولا يكمل معايا، كلمت أهله عشان يعقلوه لكن مفيش فايدة محدش قادر عليه مكنتش فاهمة ليه بيعمل كده، لحد ما سابلي البيت خالص».
حكايات محكمة الأسرة.. رافع الرؤية عليا بالعند
تابعت «خلود» حديثها قائلة: «لما ساب البيت معرفتش أوصله وفي الأخر عرفت إنه سافر، وبعدها بفترة بعتلي ورقتي ومبيسألش على ابنه ولا بيشوفه من وقتها ومن ساعة ما سافر من ساعتها مرجعش غير مرة واحدة بس عشان يتجوز وحتى لما نزل مسألش عليه ولا شافه، ولما بقيت مش لاقيه فلوس أصرفها على الولد وأهلي اللي متحملين مسؤليته رفعت عليه قضية نفقة ولما عرف رفع عليا قضية رؤية بالعند وبقى ينزل عشان الرؤية ويقعد 5 دقايق بس ومبيكلمش ابني حتى الولد جاله اكتئاب بسببه، ولسه رافعة عليه قضايا النفقة عشان ابني اللي بقى ملوش حد غيري في الدنيا».
تابع أحدث الأخبار عبر
