أخبار محكمة الأسرة
عجائب محكمة الأسرة.. سمر: بيبيع هدومي أنا والعيال عشان كيفه
كانت محكمة الأسرة هي الاختيار الأخير للزوجة بعد ما فقدت الأمل في تحسي الأوضاع مع زوج قرر التوجه إلى طريق المخدرات الذي كان السبب الرئيسي في دمار حياتهما بشكل ملحوظ، بعد سنوات على هذا الحال قررت التوجه إلى محكمة الأسرة من أجل رفع دعوى خلع بعدما اتجه الزوج لسرقة ملابسها هي والأولاد.
حكايات محكمة الأسرة.. كان كويس في أول الجواز بس
محاولات ضائعة ظنت سمر أنها من الممكن أن تصيب في مرة من المرات وتساهم في تحسين حياتهما التي تدهورت بشكل كبير بعد ما عرف الزوج طريق المخدرات، استهلت الزوجة حكاياتها لقاضي محكمة الأسرة قائلة: "اتجوزنا والدنيا كانت كويسة بينا بس أول ما عرف طريق المخدرات والقرف دا واحنا حياتنا اتغيرت خالص والمشاكل كترت بينا بطريقة مبالغ فيها بسبب القرف اللي بقا شربه دا".
قصص محكمة الأسرة.. مش عارفة اخليه يبطل القرف اللي بيشربه دا
تفاقمت المشكلات بينهما بسبب تمادي الزوج في إدمانه المفرط للمخدرات، خاصةً بعد ما تكاسل عن العمل وفضل الجلوس في المنزل دون عمل، تستكمل حكاياتها وتقول: "مبقتش عارفة أعيش معاه بالأسلوب اللي هو عايش بيه دا عشان اتغير وبقا واحد تاني غير اللي انا عارفاه خالص، دا غير إنه قعد في البيت ومبقاش ينزل الشغل ومش عايز يصرف عليا أنا والعيال"، حاولت الزوجة بكل الطرق معه من أجل الحفاظ على حياتهما ولكن إصرار الزوج على الاستمرار في طريقه أدى لزيادة المشكلات بينهما.
روايات محكمة الأسرة.. بيبيع هدومي أنا والعيال عشان يجيب المخدرات
فشلت سمر في إقناع الزوج بالإقلاع عن المخدرات، بل بالعكس كان يتمادى في إدمانه المفرط حتى أدى إلى سرقة ملابس زوجته وأولاده من أجل بيعها حتى يتحصل على ثمن نفسه، تابعت الزوجة حديثها لقاضي محكمة الأسرة: "بقالي 7 سنين بعاني معاه بسبب موضوع المخدرات دا، وحاولت معاه إنه يبطل المخدرات ويركز مع بيته وعياله بس مفيش فايدة فيه خالص لسة مكمل في القرف اللي بيشربه دا، أنا اللي بشتغل وبصرف على البيت وهو بقا قاعد من غير ولا شغلة ولا مشغلة كدا، وبياخد فلوس شقايا عشان يشتري بيها نفسين، ولو مدتهوش فلوس بقا ياخد هدومي أنا والعيال ويبعها عشان يجيب بيها تمن المخدرات"، اختتمت حكاياتها قائلة: "مقدرتش استحمل أكمل معاه بالطريقة دي، لما لقيت مفيش فايدة سبت البيت ورفعت عليه قضية خلع بقالي 4 شهور"، ولا تزال الدعوى منظورة في محكمة الأسرة حتى الآن.
تابع أحدث الأخبار عبر
