الفلوس طيرت الضفر من اللحم.. ألفت بدعوى وراثة: أهل جوزي حرمونا من حقوقنا

حياة تكاد تكون مثالية على حد وصف «ألفت» دامت لأكثر من 15 عامًا مع رجل يرعاها هي والأولاد بكل إخلاص يفعل كل ما بوسعه من أحل إسعادهم، على الجانب الأخر كان أهل الزوج لا يفتعلون أي مشكلات معها وكانت المعاملة المتبادل ممتازة.

قصص محكمة الأسرة.. عشت معاه احلى أيام حياتي

انقلبت حياتها في لمحة بصر بعد وفاة زوجها وبدأت تكتشف شخصيات اهل الزوج الحقيقة التي ظهرت في التعامل معها بعد رحيل زوجها، تبدأ في رواية حكاياتها التي جعلتها تعرف طريق محكمة الأسرة وأول ما قالته للقاضي هو: "عشت مع جوزي الله يرحمه أحلى أيام عمري عشان كان طيب معايا جدا وبيراعي ربنا فيا أنا والعيال، وعشت اكتر من 15 سنة الحياة كانت ماشية تمام، بس كل حاجة اتحولت بعد من ساعة ما هو توفى، ولقيت معاملة تانية خالص من أهله وبعد ما كانوا بيعاملوني أحسن معاملة بقوا مش طايقني أنا والعيال".

اقرأ أيضا

محكمة الأسرة اليوم | سحر: ساب شغله وساق توكتوك.. وسميرة: كل شوية يدخل عليا بضرة

روايات محكمة الأسرة.. مش راضيين يدوني حقي وحق عيالي

بدأت المشكلات بينها هي وأهل الزوج بعد الوفاة بسبب ورث الزوجة في ممتلكات المرحوم، تابعت: "جوزي كان عندوا محلات هو وأخواته مشتركين فيها، والشقة اللي أنا قاعدة فيها بتاعتي، بس بعد الوفاة لقيتهم متغيرين معايا خالص وطردوني انا والعيال من الشقة ومش راضيين يدوني اي حاجة خالص، انا واهلي كلمناهم كتير إني عايزة حفي انا والعيال عشان اعرف اصرف عليهم بس هما مش راضيين وبيقولوا لي انتي ملكيش حاجة عندنا".

روايات محكمة الأسرة.. بانوا على حقيقتهم

تفاقمت المشكلات بعد إصرار أهل الزوج على إعطاء الزوجة حقها هي والأولاد ما جعلها تلجأ إلى محكمة الأسرة من أجل إقامة إعلام وراثة تطالب فيه بحقها هي والأولاد، اختتمت قصتها قائلة: "بانوا على حقيقتهم، مكنتش متخيلة إنهم هيبقوا كدا معايا بعد ما جوزي يتوفى، كنت فاكرة هيقفوا معايا بس لقيت ناس تانية خالص معرفهاش ومعاملة زي القرف معايا أنا والعيال، لما كلمتهم مرة واتنين وتلاتة ملقتش في فايدة قلت مابدهاش بقا لازم اتصرف، رفعت إعلام وراثة في محكمة الأسرة بقالي 4 شهور ولسه مخلصتش بس ربنا هيجيببي حقي منهم".

تابع أحدث الأخبار عبر