أخبار محكمة الأسرة
«خد الجمعية وخلع».. مأساة إسراء: سرق تحويشة عمري وفص ملح وداب
دعوى خلع قصدتها إسراء في محكمة الأسرة في السنة السادسة من الزواج؛ بعد ما سرق الزوج أموالها التي قامت بادخارها منذ لبداية الزواج من أجل مستقبل أولادهما والعيش حياة أفضل، ولكن الزوج قرر الهروب معه كل هذه الأموال وهدم كل أحلامها وطموحاتها التي بنت عليها أشياء كثير من أجل حياة أفضل.
حكايات محكمة الأسرة.. عشت أحلى قصة حب معاه
لم تتخيل إسراء أنها تقصد محكمة الأسرة في السنة السادسة من الزواج، وظنت أنها تعيش حياة مستقرة وسعيدة مع حب حياتها ولكن كان الواقع أكبر صدمة بالنسبة لها وخرب عليها سعادتها، استهلت رواياتها لقاضي محكمة الأسرة قائلة: "عشت معاه أحلى فترة خطوبة، كان كويس معايا أوي ومفيش مشاكل بينا الحمدلله، وكان بيعمل لي كل اللي أنا عايزاه، وكل الناس كانت شايفة هو بيحبني ازاي، حتى لما اتجوزنا كان كويس معايا في التعامل اوي ومفيش منه اتنين
قصص محكمة الأسرة.. كنت حاطة آمال كبيرة على الجمعية
سعادة انقلبت لتعاسة في غمضة عين بعد ما اختفى الزوج ومعه أموالها اتي قضت سنوات تتدخرها، استكملت رواياتها لقاضي محكمة الأسرة: "بقالنا ست سنين متجوزين والدنيا تمام ومفيش أي حاجة، وأنا كنت شغالة وبحوش من شغلي وكنت داخلة جمعية كبير بقالي كتير عشان مستقبل العيال ولو عايزين نجدد أي حاجة في البيت، وما صدقت قبضت الحمعية عشان نشوف هنعمل بيها إيه"
روايات محكمة الأسرة.. خد الجمعية وخلع
هرب الزوج بأموالها التي وضعت عليها أمال وأحلام كثيرة من أجل حياة أفضل، ولكن في النهاية توجهت الزوجة إلى محكمة الأسرة بعد ما فشلت في التوصل إلى الزوج، أنهت حكاياتها لقاضي محكمة الأسرة قائلة: "خد الفلوس بتاع الجمعية وهرب ومش عارفة أوصل له خالص، ولما جيت أكلمها وأحاول أوصل له معرفتش، استنيت شهر واتين وتلاتة بس مظهرش، روحت رفعت عليه قضية خلع عشان مش عارفة راسي من رجليا معاه".
تابع أحدث الأخبار عبر
