أخبار محكمة الأسرة
«عايشين مع جلاد».. سمر تطلب الطلاق: أسلوب همجي وكلامه معايا وعيالي بالكرباج
سنوات عاشتها سمر في حياة تعيسة بعيدة عن السعادة التي رسمتها في خيالها، بدأت المشكلات والخلافات في التفاقم بينهما بسبب أسلوب الزوج الهمجي الذي يتعمده في تعامله معها هي والأولاد، بعد 8 سنوات قررت قصد محكمة الأسرة من أجل رفع دعوى طلاق.
حكايات محكمة الأسرة.. أسلوبه صعب جدًا
بدأت الزوجة لقاضي محكمة الأسرة حكاياتها مؤكدة أنها تعاني مع زوجها من بداية دخولها عش الزوجية، تستكمل قصتها قائلة: “من ساعة ما اتجوزته وهو موريني الويل بسب أسلوبه اللي زي الزفت معايا أنا والعيال، قلت في الأول يمكن مش عارفين نتفاهم ولازم أصبر عشان خاطر البيت والعيال، وكنت فاكرة هو كمان هيتغير بس مفيش فايدة فيه وأسلوبه زي ما هو”.
قصص محكمة الأسرة
بعد ما ظنت أنها فترة مؤقتة ويتغير الحال ويتحسن ولكنها مخطئة، لأن الوضع تمادى في السوء ما جعل الأمور تتعقد بينهما حتى تطرقت إلى محكمة الأسرة من أجل رفع دعوى طلاق، تابعت: "كنت فاكرة الدنيا بس في أول الجواز هتبقى صعبة بعد كدا الدنيا هتتغير بس مفيش فايدة، طريقته معايا عمالة بتزيد في العصبية والهمجية، وحتى لما خلفت برضوا معاملته بقت زي ما هي وكمان بالعكس زادت مع العيال وبقا يضربهم على أي حاجة".
روايات محكمة الأسرة.. بيضربني أنا والعيال بالكرباج
تدخل الأهل كثيرًا من أجل تهدئة الأوضاع ولكن لم يتغير أي شيء، وكانت الحياة بينهما تكاد تكون مستحيلة بسبب أسلوبه الهمجي معها هي والأولاد الذي كان السبب في تفاقم المشكلات بينهما، تستكمل حديثها لقاضي محكمة الأسرة قائلة: "أهلي ادخلوا كتير بينا عشان يحلوا الموضوع وعشان المشاكل متكبرش بس مفيش فايدة فيه برضو، مبيتعاملش معايا أنا والعيال غير بالضرب والشتيمة قلة الأدب، وبقاله فترة مبيضربنيش أنا والعيال غير بالكرباج وكل شوية الجيران تيجي تحوش بينا بسبب صوت صريخنا أنا والعيال"، توجهت سمر إلى محكمة الأسرة من أجل رفع دعوى طلاق في السنة الثامنة من الزواج بعد ما ادركت استحالة العيش معه.
تابع أحدث الأخبار عبر
