أخبار محكمة الأسرة
عجائب محكمة الأسرة.. سميرة تطلب الخلع: عايشة على الماية بسكر بقالي شهرين
دعوى خلع أقامتها «سميرة» في محكمة الأسرة بعد ما تركها الزوج دون أي مصروفات لإخلاء مسئولياته منه، وأصبحت تعيش عند الجيران، ظنت أنها تكون فترة عابرة ويعود الزوج مرة أخرى لبيته، لكنه قرر هجرها للأبد مما جعلها تقصد محكمة الأسرة .
قصص محكمة الأسرة.. اتحول بعد الجواز
استهلت سميرة حكاياتها لقاضي محكمة الأسرة مؤكدة على المعاناة التي تعيشها من بداية الزواج، صبرت وتحملت من أجل الحفاظ على عش الزوجية من الخراب، لكن بالعكس كانت الأوضاع تزداد في السوء، استرجعت «سميرة» كل الوعود قبل الزواج مؤكدة أنها تغيرت في الشهور الأولى، وقالت: "فهمني إنه هيعيشني أحلى عيشة بعد ما نتجوز وهو كان قايلي كدا بنفسه في الخطوبة، وكان بيحاول يرضيني بكل الطرق، أول ما اتجوزنا لقيته واحد تاني خالص غير اللي أنا أعرفه والمشاكل بينا زادت عشان مبقاش عايز يصرف وكل ما أجي أكلمه يقولي مش معايا فلوس".
حكايات محكمة الأسرة.. سابني عشان ميصرفش عليا
قرر الزوج ترك المنزل بعدما تصاعدت المشكلات بينهما بسبب رفض الزوج الإنفاق عليها، وتركها بمفردها دون مراعاة احتياجاتها ومتطلباتها، استكملت سميرة باقي قصتها قائلة: "ولما لقى في خناقات بتكتر بينا، بقى يسيب البيت ويمشي من غير ما يعرف انا باكل ولا لا، بقيت عايشة مع نفسي مبشوفهوش خالص غير كل فين وفين لما يجيلي مرة كل كام اسبوع بس، غير كدا معرفش عنه اي حاجة حتى لما يجي".
عجائب محكمة الأسرة.. عايشة على الماية بسكر
"عايشة على الماية بسكر بقالي شهرين، كنت الأول بعرف اتصرف واجيب أي حاجة اكلها من جيراني بس بقالي شهرين مفيش حد راضي يساعدني وهو رامي توبتي خالص وميعرفش عني حاجة"، أنهت حكاياتها للقاضي وكان هذا السبب الذي جعلها تصر على اللجوء إلى محكمة الأسرة من أجل رفع دعوى خلع.
تابع أحدث الأخبار عبر
