أخبار محكمة الأسرة
«عايش من عرق النسوان».. سحر لمحكمة الأسرة: بيجيب الستات البيت وياخد فلوسهم
سنتان في عش زوجية تحملتهما سحر بأعجوبة مع رجل كان كل همه هو التعرف على نساء من أجل أخذ المال منهن، ظنت أن الأمر يختفى بعد فترة لكن في الواقع كان يتمادى حتى أصبح بيت الزوجية هو مقر هذه النزوات والخيانات، قصدت محكمة الأسرة من أجل الطلاق بعدما اختارت البعد عن هذه الحياة.
قصص محكمة الأسرة.. مبيصرفش عليا من ساعة ما اتجوزته
"مبيعملش حاجة صح في حياته" بهذه الكلمات بدأت سحر حماياتها لقاضي محكمة الأسرة توضح سبب لجؤها ورفعها دعوى طلاق، تابعت: "كنت متجوزة قبل كدا وجوزي توفى وبعدها جالي حد أتقدم لعمي وفهمنا إنه مبسوط وهيعيشني كويس جدا، وقلت خلاص دا العوض بعد وفاة جوزي الأول بس كنت غلطانة".
حكايات محكمة الأسرة.. بيعرف الستات عشان تصرف عليه
تم الزواج ورسمت في خيالها حياة سعيدة مع رجل يرعاها ولكنها مخطئة، تبيت الحقيقة في الشهر الأول من الزواج بعد ما وجدت رجل لا يهتم لأمرها علاوة على نزواته، تستكمل «سحر» باقي قصتها قائلة: "من أول شهر في الجواز وأنا متعذبه معاه، ضرب ومبيصرفش وقلت معلش استحمل عشان معملش مشاكل، ومتطلقش بس الموضوع مكنش عشان المصاريف بس لا دا كان بيعرف عليا ستات كمان، ومش بيكلمهم في التليفون وخلاص، اللي عرفته إنه بيعرف الستات عشان يصرفوا عليه".
روايات محكمة الأسرة.. بيجيب ستات البيت وياخد منهم فلوس
حاولت الزوجة حل مشكلة خياناته لها بكل الطريق ولكنه كان يتمادى في نزواته اللانهائية ما جعلها تقرر في النهاية اللجوء إلى محكمة الاسرة من خلال رفع دعوى طلاق، استكملت حكاياتها قائلة: "سكت كتير على حوار خيانته دا بس مفيش فايدة فيه خالص، وبقا يجيبهم البيت كمان وبياخد منهم فلوس، سبتله البيت ورحت قعدت مع مرات عمي وطلبت منه الطلاق بس رفض"، عندما أدركت أنه لا يجد أي جديد في حياتها الزوجية قررت إنهاء هذه الحياة من خلال دعوى خلع في محكمة الأسرة
تابع أحدث الأخبار عبر
