أخبار محكمة الأسرة
فاطمة لمحكمة الأسرة : كل لما تحصل مشكلة يغضب ويسيب البيت
رفعت فاطمة دعوى نفقة في محكمة الأسرة، بعد ترك زوجها لها اختفائه من حياتها بعد عشره دامت 20 عام، لم تكن هذه أول مرة يترك الزوج بيته وأبنائه دون سؤال، لكن كانت هذه أول مرة لا تستطيع الوصول إليه واختفى من حياتها، واضطرت أن تلجأ لحل محكمة الأسرة حتى تحصل على حقوقها منه.
قصص محكمة الأسرة.. متجوزاه ظروفه صعة
قالت «فاطمة» في بداية حديثها :«أنا متجوزة من سنة 20 ، انا وجوزي جيران ونعرف بعض من زمان وكان جواز عن حب، اتقدملي واتجوزنا وخلفت منه ولدين وبنت، كان لما انقدملي ظروفه صعبة جدا بس وقتها قلت مش مهم وبكرة ربنا يكرمه واحنا سوا وهقف معاه».
دعاوي محكمة الأسرة..مبيصرفش من زمان والبيت على طول محتاج
أكملت «فاطمة» حديثها وقالت: «مشكلتي معاه من ساعة ما اتجوزنا على المصاريف مبيصرفش خالص، على طول البيت ناقصه حجات والعيال ناقصهم حجات، كان بيشتغل بس شغله مرتبه قليل جدا وهو مش بيحاول حتى يتصرف أو يحسن من ظروفنا، وكان رافض حتى اني اشتغل واساعد».
حكايات محكمة الأسرة..كل لما تحصل مشكلة يغضب ويسيب البيت
تابعت «فاطمة» حديثها قائلة: «من زمان واحنا في مشاكل وكل لما تحصل بينا مشكلة واطلب منه انه يزود المصاريف عشان يكفي البيت والعيال البيت يمشي و يروح ويغضب ويروح عند اهله واخواته، كان بيقعد شوية ويرجع ونتصالح والدنيا كانت ماشية بس مشكلة الفلوس كانت لسه موجودة ومصعبة العيشة علينا».
قضايا محكمة الأسرة..هرب ومعرفلوش طريق
أنهت «فاطمة» حديثها قائلة: «اخر مرة حصلت مشكلة كانت عشان المصاريف برضو كنت محتاجة فلوس مش ليا دي كانت للولاد ساعتها ساب البيت ومرجعش تاني ومعرفلوش طريق حاولت اوصله معرفتش، سألت اهله كلهم هو راح فين محدش راضي يقولي ومعرفش هو راح فين ولا بيعمل ايه، استنيت فترة على أساس انه يرجع زي كل مرة لكن مرجعش وبقاله سنتين محتفي معرفلوش طريق،جيت المحكمة ارفع قضية نفقة عشان هو من ساعة ما اختفى مبيسألش فينا ولا بيصرف على اي حاجة محتاجينها ».
تابع أحدث الأخبار عبر
