حادث نيرة صلاح.. ماذا قال طه وشروق المتهمين في مصرع طالبة العريش؟
حصل «موقع الحادثة» على نص أقوال شروق وطه المتهمين في واقعة وفاة طالب طب بيطري العريش نيرة صلاح.
أقوال المتهمة شروق في واقعة نيرة صلاح
س : ما تفصيلات ما حدث؟
ج: اللي حصل ان أنا أعرف نيرة صلاح منذ بداية شهر أكتوبر عام 2022 من خلال الزمالة في المدينة الجامعية لأننا في أول سنه في كلية طب بيطري جامعة العريش وكنا أنا وهي زملتنا مقيمين في غرفة واحدة في المدينة وفي شهر نوفمبر واحدة من زمالينا أتنقلت الجامعة كفر الشيخ وإدارة المدينة نزلت لينا وحدة مكانها وبعدين في نفس الشهر نيرة قعدت علي سور بلكونة الغرفة في المدينة الجامعية فالمشرفة جريت عليها وقالتلها إنتي عايزة تنتحري هتودينا في داهية أنا هنزل أقول لمس هناء.
ومن هي مس هناء وكيف تصرفت؟
ج: ميس هناء دي مشرفة الدور و لما نيرة نزلت من سور البلكونة الميس هناء إتصلت بمامتها وقالتلها بنتك حاولت تنتحر .. تعالي خديها علشان هعملها إخلاء ولازم تطلع من المدينة حالا .. ف نيرة قعدت تعيط وقعدت تتحايل علي المس وقالتلها آخر مرة وبعدين المس سامحتها وحزرتها متعملش كده تاني وبعدين لما ولاء ومريم بدأوا ينزلوا أجازات في أواخر شهر ديسمبر لقيت البوك بتاعي ناقص 200 جنية ومكنش في غيري أنا وهي في الأوضة ومحدش دخل لينا خالص فأنا واجهتها قالتلي دي عفاريت ما ده العادي بتاعك كل حاجتك بتختفي لأنني في حاجات كتير ضاعت مني ذي بيرفيوم وغسول والمصلية بتاعتي إختفت والكلام ده كان في شهر نوفمبر.
وبعدين إحنا كنا بتلاحظ أنها بتسجل لينا وإحنا بنهزر ونضحك ونشتم وتبعته لزميلنا يوسف . م، لدرجة أن زميلنا ده قال دول سمعتهم وحشة أخرجي من الأوضه دي.. واللي قالتلي كده نيرة وقالتلي كمان إن مامتها قالتلها سجلي لزميلتنا وهي بتشتم وأنزلي لمس هناء علشان ترفدها من المدينة فأنا عاتبتها أنها بعتت لزميلنا المحادثات الخاصة بتاعتنا.
أقوال المتهم الثاني طه
س: ما تفصيلات اعترافك؟
ج: انا أعرف نيرة من أول العام الدراسي في شهر 10، وعلاقتي بيها علاقة زمالة عادية، وبعدين شروق المتهمة الأولى في القضية كانت بتشتكيلي منها، وإنها بتجيب في سيرتها وبتجيب في سيرتي، وكانت بتقول إني باخد من فلوس الطلاب الخاصة بالسي دي بتاع المواد اللي إحنا بندرسها.
والسي دي ده كان ب600 جنيه، وغلي بقي ب 800 فهي فاكرة إني باخد ال 200 دول.. وبحطهم في جيبي وابتدت تتكلم عليا زي ما بتتكلم على شروق، ويتقول إني بسرق في الملازم وشروق ماشية مشي بطال وإني ماشي معاها، وأنا أدمن جروب الدفعة أنا وشروق وبعدين أنا لقيت شروق متضايقة، ولقيت شات بين نيرة وواحد اسمه باسم.
وأضاف: فأنا بعدين قلت لشروق ملكيش دعوة بيها فهي قالت عاوزة أنصحها وبعدين عرفت من شروق إنهم واجهوها بالشات، فهي طلبت إن هي تسيب الأوضة زي ما شروق حكتلي وبعدين شروق جت قالت لي إن نيرة بتتكلم عليها، فأنا قلت لشروق تحذرها إن لو اتكلمت عنك تاني إنك تدخلي أهلك في الموضوع، وبعد كده لما ما سمعتش الكلام حصل موضوع الجروب اللي هو كان مضمونه إن لو ما بطلتيش كلام علينا هنروح لعميد الكلية، وهنروح نقول علي اللي هي بتقول عليه.
وتابع:(إحنا كنا بنتكلم على المتغطي عشان محدش يعرف إن إحنا بنتكلم على نيرة، وموضوع الجروب ده مكملش ساعة بس كان مضمونه إن إحنا نحذر نيرة من عدم الخوض في أسامينا، علشان ما نتخذش الإجراءات القانونية، وبعد كده يوسف زميلي كلمني إن نيرة بتقول عنكم بتقصدوها في الجروب، وأنا قلت له إحنا مش عايزين منها غير إن هي تبطل كلام علينا).
وأكمل:(بعدين قولت لزميلي على الحاجات اللي شروق ورتهالي، وطلبت منه إن هي بس ما تجيبش سيرتنا على لسانها، وهو قال هشوف الموضوع ده وأحله وبعدها رحت يوم السبت الكلية الصبح لقيت وكيل الكلية الدكتور حاتم بينادي عليا، بيقولي عاوزين حد يمسك جروب الدفعة مكاني، فبقوله ليه يادكتور؟، فقال علشان اللي بينكم على الجروب).
و اتصل بيا يوسف وقال إن إحنا عاوزين نحل الموضوع ودي، فقلت له الوكيل عرف وكده كده الجامعة هتتصرف، والساعة 4 لقيت شروق جاية بتقول لي إن نيرة اتأسفت ليها على الخاص، فأم شروق كلمت نيرة، وقالت لها لو ما اعتذرتيش خلال ربع ساعة هناخد الإجراءات القانونية، فأنا رحت ناقل الكلمتين دول ليوسف عن طريق التليفون، وقلتله يا يوسف أم شروق كلمت نيرة وقالت لها لو ما اعتذرتيش خلال ربع ساعة هتتخذ الإجراءات القانونية، وبعدين نيرة نزلت اعتذار على الجروب، مضمونه إن هي بتتأسف لشروق ومريم وولاء، على أي كلمة قالتها عليهم قبل كده.
وبعدين كنا قاعدين في كافيه بره، أنا وشروق وحبيبة لحد قبل الامتحان ودخلنا الامتحان مادة الهستولوجي.. وبعدها خلصت الامتحان حوالي الساعة سبعة وربع، وبعد كده عرفت إن نيرة جالها رتجاع وعرفت من شروق إن البنات بتقول إن هي خدت حباية غلة، ولما رحت المستشفى قعدت شوية وقالوا عنها ماتت.
تابع أحدث الأخبار عبر
