محكمة الأسرة اليوم
منى: اطلقت بعد 4 سنين وأبويا كسرلي فكي عشان مكنتش موافقة على العريس
حلمت منى أن تعيش قصة حب مثل بنات جيلها، لكن الأب كان أول المعارضين وأصر على زواجها في سن مبكر رغمًا عنها، بدأت المشكلات من قبل الزواج بسبب عريسها وأهله واستمرت طيلة 4 سنوات من الزواج، لتنتهي القصة بالطلاق، وتبدأ رحلة البحث عن حقوقها بمحكمة الأسرة.
حكايات محكمة الأسرة.. أبويا كسرلي فكي عشان مكنتش راضية اتجوز
استهلت منى مأساتها لقاضي محكمة الأسرة، مؤكدة على أن زواجها كان رغمًا عنها بسبب والدها: "أبويا كان عايز يجوني من وأنا في أولى اعدادي وأنا مكنتش راضية ولما لقاني مش موافقة كسرلي فكي عشان مش موافقة اتجوز العريس اللي جايبهولي، وفي الأخر اتجوزته غصب عني عشان مكنش قدامي حل تاني ومكنش سامع لرأي أي حد واتجوزته ومن ساعتها وهو معذبني".
قصص محكمة الأسرة.. عايشة في مشاكل من قبل ما اتجوز
حاولت التأقلم مع زوجها ولكن المشكلات كانت أقوى، وسيطرت على حياتها مع بداية الزواج وكان القرار النهائي هو الطلاق، تستكمل منى رواياتها: "من قبل الجواز والمشاكل شغالة بينا بسببه وبسبب أهله، بس طبعا مكنتش عارفة أسيبه عشان أبويا، بس بعد ما اتوفى عرفت اتطلق منه الحمدلله بالعافية".
قضايا محكمة الأسرة
ظنت منى أن الطلاق سيكون الحل لكل مشكلاتها معه، ولكن في الحقيقة بدأت مشكلات جديدة بسبب رفضه إعطاءها حقوقها لذا قررت منى في النهاية قصد محكمة الأسرة: "رفعت قضية بالقايمة عشان اخد حقي والقاضي حكملي فعلا بس هو مش راضي يديني حاجة وعايز يعمل مشاكل وبقالي 3 سنين دايرة على المحاكم ومش عارفة أخد حاجتي بسببه".
تابع أحدث الأخبار عبر
