بجرعة خمرة وبرشام هلوسة.. ماذا قال المتهم بقتل طفل في البحر الأحمر؟

احالت النيابة الكلية بالبحر الأحمر 3 متهمين بالتسبب في وفاة طفل بعد إقامة حفلة شرب خمرة ومواد مخدرة بالغردقة وسرقة هاتفه المحمول إلى محكمة الجنايات. 

اعترافات قاتل طفل في البحر الأحمر

وجاء في نص أقوال المتهم الرئيسي ابراهيم.ن 24 سنة صديق المتوفي:

س: ما قولك فيما هو منسوب اليك من كونك متهم بقتل المجنى عليه الطفل رضا مراد 15 سنة وشهرته يوسف عمداً مع سبق الإصرار بأن بيت النية وعقدت العزم على قتله فأعددت لهذا الغرض خليط من مادة كحولية ودواء عقاري  کلوزا باكس وقمت باستدراجه لمنطقة نائية وتقديم الخليط اليه قاصدا ازهاق روحه، وما أن احتساها حتى فاضت روحه إلى بارئها وقد ارتبطت تلك الجريمة بجنحه سرقة الهاتف المحمول المبين بالأوراق قدراً ووصفاً والمملوك للمجنى عليه وذلك على النحو المبين بالتحقيقات؟

ج:  محصلش

س: ما الذي حدث إذا وماهي ظروف ضبطك وإحضارك ومثولك؟

ج: اللي حصل إنى اتعرفت على يوسف عن طريق صاحبي "محمد .ف"، وطلب يوسف منى نشرب مخدرات وأنا قولتله ماليش فيها بشرب خمور بس، فقالي خلاص نشرب مرة مع بعض بعدها بيوم كلمه محمد فهيم المتهم الثاني وقاله تعالى هنطلع مع بعض، وقعدنا على قهوه، واتفقنا نشرب خمرة واشترينا فودكا ورحنا عند سور المطار في حته فاضية، وقعدت وشربت وأنا ويوسف ومحمد  مارضيش يشرب وقال إن ابوه منعه ميشربش وحط شويه صغيرين من الفودكا في اسبرايت وخلصنا أنا ويوسف الازازتين.

بعد كده محمد المتهم الثاني قالنا هيروح يجيب ازازه تاني وجابها ورجع واخدناها منه وكان معاه شريط برشام ، وادي اتنين منهم ليوسف واداني واحده ويوسف بلع البرشامتين في بقه وشرب وراهم خمره فودكا، وانا بصيت في البرشامه وقولت لمحمد فهيم دى بتاعت هلوسه وتعمل تسمم واتفاجئت أن يوسف اخدهم عشان محمد قاله دول هيعملوا دماغ وهتتبسط ، ومحمد  سابنا ومشي وبعدها بوقت بسيط يوسف بقى يتشنج ويرمى التليفون على الأرض رحت انا اخدته وحطيته في جيبي عشان ما يتكسرش والتشنجات زادت وأنا وقتها جريت على  عشان أشوف أى حد يلحقه معايا وبعدها قابلت محمد وقولتله اللى حصل ، فقالى أنه رايح يودى مراته للدكتور وخد انت تاكسي وحصله ، ولما رحت مكان ما كنت سايب يوسف ملقتهوش وكان في على الطريق حكومه فقولت اكيد لقيوه سكران واخدوه.

اقرأ أيضا

الطريق إلى عشماوي.. إحالة أوراق عاطل في قتل وسرقة سائق بالتجمع للمفتي

فخفت وسيبته ومشيت وقعدت مع محمد  تاني وقولتله تليفون يوسف معايا فقالى أنا ليا فلوس عند يوسف وهاخد التليفون ابيعه بس اعملی سوفت ليه، واخدنى على محل موبيلات ودخلت طلبت من صاحب المحل يعمل سوفت وبعدها بشويه جات الشرطة في المحل بتاع الموبايلات و مسكوني وقالولي أنت جبت التليفون ده من فين، وأنا قولتلهم حد أعرفه وأنا هتصلكلم بماماته عشان تفتح التليفون واخدت رقم والدة يوسف وجوز أمه ولما رنيت على أمه لقيت تليفونها مقفول ورنيت على جوز أمه رد عليا وقالى انه في الشغل والظابط كلمه وجه بعدها هو ومامة يوسف عند تمركز امنى في شارع شيرى وسالتني ام يوسف عليه وقولتلها احنا ومحمد ويوسف كنا بنشرب خمرة عند المطار وان يوسف سكر وجاتله تشنجات ذي ما قولت وبعدين اخدوني على القسم وده كل اللي حصل.

تابع أحدث الأخبار عبر