تفاصيل صادمة.. حكاية مدرس الفيزياء وطالب الدقهلية إيهاب أشرف من الدرس للسجن

تبدأ بعد قليل محكمة جنايات المنصورة، نظر أولى جلسات محاكمة المتهم بقتل الطالب إيهاب أشرف طلبًا لفدية، وذلك بعدَما انتهت التحقيقات إلى ثبوت اتهامه بارتكاب جناية قتل الطفل عمدًا مع سبقِ الإصرار.

كانت النيابة العامة قد باشرت التحقيقات، وكلّفت الشرطة بالتحري عن الواقعة لكشف ملابساتها، وسألت شهودها، وتوصلت إلى أن وراء ارتكابها المتهم والذي تبين أنه طالب جامعي كان يعطي المجني عليه درسًا خصوصيا، وما إنْ علِمَ بمقدرة والده المالية؛ ونظرًا لتعرضه لخسارة مالية نتيجة مضاربته عبر أحد المواقع الإلكترونية؛ قام باستدراج المجني عليه وقتله، وألقى جثمانه بإحدى الأراضي الزراعية –بعد شطره نصفيْن، ثم طلب من ذويه فديةً مالية.

قتل طالب الدقهلية إيهاب أشرف  

وأقر المتهم تفصيًلا في التحقيقات بكيفيةِ اقترافِهِ الجريمةَ والتخطيط والإعداد لها وتنفيذِها، حيث انتقل المتهم لتمثيل الجريمة في مسرح الواقعة بحضور أعضاء النيابة العامة.

وقال المتهم في تحقيقات النيابة العامة ، إنه في سبيل الخروج من أزمة ديونه التي داهمته بسبب خسارته في لعبة مراهنات على الإنترنت خطرت في ذهنه فكرة خطف إيهاب وطلب فدية من أهله 500 ألف جنيه.

وأضاف المتهم ، أنه بعد انتهاء الدرس اقترح على إيهاب لعب بلايستيشن قائلا:  أنا كنت بطول في اللعب عشان بفكر هخلص أزاي منه، وبعدين لما قام يمشي قولتله استني أنا عرفت خدعة مونتاج فقالي يعني ايه قولتله زي اللي بتحصل في السينما، أن حد ممكن يدبح ويظهر دم، وهو ما اتدبحش ولا حاجة، وأنا كنت عارف دماغه، وعارف إن هو هيوافقني في ده فقالي هتعملها ازاي، قولتله أنا همشي السكينة بضهرها على رقبتك قدام الفيديو اللي أنا فتحته من موبايلي وبعدها أنا هحط الفيديو ده على الكمبيوتر وأعمله مونتاج، وفعلا هو وافق.

كواليس ذبح إيهاب أشرف

وأضاف المتهم " أنا قمت ماسك بقه وقمت ضاربه ببوز السكينة في جنب رقابته من الناحية الشمال من قدام، فهو جسمه اتهز واترعش وبعد كدة إيديه راحت سايبة، وأنا ماسكه وبعدها لقيته بدأ يثبت ويقاوم أكثر، فضربهت ببوز السكينة في بطنه من الناحية الشمال جنب السرة، فهو إيده اليمين اتعورت وانا بخبطه بالسكينة وبعدها وقع على الأرض، بس كان لسه فيه الروح لأن هو قدر يزوق إيدي من على بقه .. و كان بيحاول يقول الحقوني بس صوته مكنش عالي أوي، فأنا خوفت أن حد يسمعه، وإن حد يكشفني فقمت خابط ركبتي في دماغه، وهو واقع على الأرض وبعد الخبطة دي هو ساب خالص وما اتحركش تاني بعدها، فبدأت أجيب شكاير خيش لونها بني كانت موجودة في أوضة الدرس، وبصيت لقيت فيه شيكارتين من بتوع الرز واحدة لونها أبيض وواحدة لونها لبني، ومكنش في دماغي الأول أن أنا أقطعه بس لقيت نفسي مش هعرف أحطه في الشكاير، وفي كرتونة بتاعة مروحة كانت عندي في الأوضة غير لما أقسمه، وأفصل جسمه نصفين، وساعتها جبت السكينة اللي أنا اشتريتها، واللي أنا موته بيها وهي سكينة محملة شوية، وبدأت أفصل جسمه من عند النصف من عند منطقة الكلية بالعرض لحد ما وصلت عند العامود الفقري بدأت أعدي السكينة ما بين الفقرتين لحد ما فصلت جسمه نصين.

وتابع المتهم مدرس الفيزياء المتهم بإنهاء حياة إيهاب أشرف: فصلت النص اللي فوق عن النص اللي تحت وربطت رجليه في الحزام اللي كان لابسه بحبل لقيته صدفة جوة الشيكارة الزرقا، علشان رجليه كان لازم تتربط عشان جسمه يجي في الشكارة، ولفيته بخيش وحطيته في الشكارة البيضا، وبعدين حطيته في الشكارة الزرقا، وربطتها بحبل كان موجود في الشكارة، وبعدين لما جيت أحط نصفه الفوقاني في الكرتونة بتاعة المروحة بعد ما حطيتها في كيس بلاستيك من بتوع الزبالة وجيت أحطها في الكرتونة لقيت الراس هتبقى ظاهرة من الكرتونة، فقررت ساعتها أن أنا أفصل الرأس، وفعلًا فصلتها بنفس السكينة اللي أنا قتلته بيها وحطيت الجزء العلوي من الجسم في الكرتونة، وساعتها قفلت ومكنتش ظاهرة وحطيت الرأس في كيس أسود جوة الكرتونة اللي فيها الجزء الفوقاني، وبعدها بحوالي عشر دقائق وخلال الفترة دي كان أهله بيرنوا على تليفونه، وأنا كنت بكنسل عليهم.

نص أقوال زوجة المتهم

س : اسمك وسنك؟

ج: إيمان محمد السيد محمد رشوان

س: ما هي صلتك بالمتهم محمد عبد البديع عبد الواحد الطحاوي؟

ج: هو يبقي جوزي

س: وما هي معلوماتك بشأن الواقعة محل التحقيقات ؟

ج: اللي حصل واعرفه أن أنا متجوزة محمد عبد البديع من حوالي سنة ونص وعندي منه طفل صغير عمره حوالي 7 شهور وطول الفترة دي مشفتش منه حاجة وحشة والفترة الأخيرة بدا دخلنا يزيد من الدروس اللي كان محمد بيديها، ويوم اختفاء إيهاب لاقيت محمد جالي البيت وبيقول أن إيهاب اللي بياخد عنده درس اتخطف من بعد ما خرج من عنده من الدرس ومامته بتقول إن هو مرجعش البيت، وكنت بشوفه بينزل يدور مع الناس على إيهاب والشرطة كانت بتبعتله كتير، ولما سألته الشرطة بتبعتلك كتير ليه قالي علشان آخر مكان كان إيهاب موجود عنده في الدرس وتاني يوم اختفى إيهاب لاقيته بيقولي أن فيه ضابط كلمه وهيروح علشان يشوف فيه إيه، ولما رجع لاقيته بيعيط وبيقولي إن هما لقيوا الجزء السفلي لجثة إيهاب وفضل يروح المركز كتير ولما كنا بنسئل كانوا بيقولوا أن دي إجراءات عادية علشان بيتحروا عن القاتل، وبعد كده عرفت إن هو اعترف إنه اللي قتل إيهاب وده كل اللي حصل واعرفه.

تابع أحدث الأخبار عبر