مباراة نهائي كأس مصر.. هل يستطيع الأهلي فك عقدة الـ 17 عاما؟
الزمالك عقدة الأهلي في كأس مصر من 17 سنة.. يا ترى المرة دي الأهلي هيقدر يحل العقدة ويفك النحس؟
مباراة نهائي كأس مصر.. هل يستطيع الأهلي فك عقدة الـ 17 عاما؟
بعد قليل هتتلعب مباراة كأس مصر بين الأهلي والزمالك على ستاد الأول بارك ولأول مرة في المملكة العربية السعودية في تاريخ البطولة الأقدم في مصر.
وبرغم هيمنة الأهلي على معظم البطولات سواء القارية او المحلية في الفترة اللي فاتت إلا إن فيه عقدة كبيرة الأهلي مش عارف يتخطاها مع ماتشات الزمالك في كأس مصر ومش عقدة سنة ولا اتنين ولا حتى تلاتة.. العقدة بقالها 17 سنة.. 17 سنة بيحاول الأهلي يفوز على الزمالك في نهائي كأس مصر بعد آخر فوز حققه في نسخة البطولة في 2007، الماتش اللي خلص 3-4.
ومن بعد الماتش ده المارد الأحمر ماعرفش يحقق البطولة مرة تانية.
على فكرة من 2007 لحد 2014 الأهلي كسب بطولات لكأس مصر لكن ماكنش بيفوز على الزمالك.. كل مرة فاز فيها الأهلي في بطولة كأس مصر من 2007 مكانش الزمالك طرف في النهائي وكان بيودع البطولة في الأدوار اللي قبل كده.
وآخر مباراة كانت بين الأهلي والزمالك في نهائي الكأس كانت السنة اللي قبل اللي فاتت وقدر الزمالك أنه يفوز ويحسم المباراة من البداية بعد ما فاز بنتيجة 2-1 بأهداف احمد سيد زيزو وامام عاشور لاعب الأهلي الحالي وكان سجل هدف الأهلي حسام حسن.
وفي الماتش اللي هيتلعب الساعات الجاية.. بيسعي الأهلي انه يفك نحس بطولة كأس مصر ويحقق الفوز في مباراة بكرة ويتوج باللقب رقم 39 في تاريخه.
أما الزمالك فحسبته مختلفة شوية عن الأهلي.. الزمالك عنده دوافع العودة لمنصات التتويج بعد غياب فترة بسبب التخبطات المالية والإدارية وأزمة وقف القيد وعايز مدرب الزمالك الجديد انه يثبت نفسه قدام الإدارة والجمهور ويحقق أول بطولة ليه قدام النادي الأهلي ويتوج باللقب رقم 29 ليه.
قولنا توقعات لمباراة كأس مصر اللي هتتلعب بكره.. وهل الأهلي هيقدر بفك العقدة ولا الـ 17 سنة هيبقوا 18؟!
تابع أحدث الأخبار عبر
