بيكسب 20 ألف في الشهر.. أقوال زوجة مدرس الفيزياء قاتل طالب الدقهلية إيهاب أشرف
يواصل «موقع الحادثة» نشر انفراد التحقيقات في قضية مقتل الطالب إيهاب أشرف عبد العزيز علي يد مدرس الفيزياء بالدقهلية.
أقوال زوجة مدرس الفيزياء قاتل طالب الدقهلية إيهاب أشرف
وحصلت «الحادثة» على النص الكامل لأقوال زوجة المتهم وجاء في الأقوال التي ينفرد الحادثة بنشرها:
س : اسمك وسنك؟
ج: ايمان محمد السيد محمد رشوان
س: ما هي صلتك بالمتهم محمد عبد البديع عبد الواحد الطحاوي؟
ج: هو يبقي جوزي
س: وما هي معلوماتك بشأن الواقعة محل التحقيقات ؟
ج: اللي حصل واعرفه أن انا متجوزة محمد عبد البديع من خوالي سنة ونص وعندي منه طفل صغير عمره حوالي ٧ شهور وطول الفترة دي مشفتش منه حاجة وحشة والفترة الأخيرة بدا دخلنا يزيد من الدروس اللي كان محمد بيعطيها ويوم اختفاء إيهاب لاقيت محمد جالي البيت وبيقول أن إيهاب اللي بياخد عنده درس اتخطف من بعد ما خرج من عنده من الدرس ومامته بتقول ان هو مرجعش البيت وكنت بشوفه بينزل يدور مع الناس علي إيهاب والشرطة كانت بتبعتله كتير ولما سألته الشرطة بتبعتلك كتير ليه قالي علشان آخر مكان كان إيهاب موجود عنده في الدرس وتاني يوم اختفاء إيهاب لاقيته بيقولي أن فيه ضابط كلمه ويروح علشان يشوف فيه ايه ولما رجع لاقيته بيعيط وبيقولي إن هما لقيوا الجزء السفلي لجثة إيهاب وفضل يروح المركز كتير ولما كنا بنسال كانوا بيقولوا أن دي إجراءات عادية علشان بيتحروا عن القاتل وبعد كده عرفت إن هو اعترف انه الي قتل إيهاب وده كل اللي حصل واعرفه.
س: ومنذ متى نشأت العلاقة الزوجية بينك وبين المتهم محمد عبد البديع؟
ج: أنا متجوزة محمد من حوالي سنة ونصف تقريبًا 21 يوليو 2022 وخلفت منه طفل عنده 7 شهور.
س: وما هي الحالة المادية للمتهم تحديدا وما هو دخله الشهري ومصادره؟
ج : في أول الجواز الظروف مكنتش كويسة لحد من فترة الظروف بدأت تتحسن من الدروس لما بدأت الطلبة تزيد عنده في الدرس وهو مدرس فيزياء وكيمياء وبيعمل في الشهر حوالي 20 ألف جنيه وتجارة الموبيلات اللي هو قايلي معرفش عنها حاجة.
س : هل كان يتعاطى زوجك المتهم أي مواد مخدرة؟
ج: هو مبيشربش أي حاجة
س: ما قولك فيما قرره زوجك المتهم من قيامه بارتكاب تلك الواقعة؟
ج: معرفش حاجة عن الكلام ده واللي اعرفه أنا قلت عليه.
س: ما تعليلك إذن لما قرره زوجك المتهم من ارتكابه لتلك الواقعة؟
ج: معرفش هو عمل كده ليه ومكنتش متوقعة أن هو يعمل كده أصلًا.
