شهر فبراير وعلاقته بدوران الأرض حول الشمس.. ليه 2024 سنة كبسة؟
النهاردة 29 فبراير، يوم مميز لإنه بيجي كل أربع سنين، بس سألت نفسك اشمعنا بيجي كل 4 سنين؟؟ ولو قولتلي عشان دي سنة كبيسة هسألك سؤال تاني واقولك يعني إيه سنة كبيسة، وليه فيه سنة كبيسة اصلا؟.. أنا هقولك .
نظام السنة الكبيسة اللي بتيجي بعد كل 4 سنين عاديين ده البشر شغالين بيه من سنة 45 قبل الميلاد، والسنة الكبيسة هي السنة اللي فيها بتلف الأرض حوالين الشمس لفة كاملة في 366 يوم بدل من 365 يوم ، من غير السنة الكبيسة دي كان هيختلف التقويم بتاعنا دلوقتي وهيستمر في الاختلاف، وعشان العلماء يمنعوا ده، بصوا كده على فبراير ولقوه 28 يوم بس، فقرروا يعملوا فيه تغيير بسيط ويخلوه 29 يوم مرة كل 4 سنين، واتسمت السنة اللي هيجي فيها فبراير 28 يوم بالسنة الكبيسة.
طب هيحصل إيه لو ماكنش العلماء عملوا سنة كبيسة؟ إيه التعيلىات اللي هتحصل يعني؟.. سؤال حلو وإجابته المختصرة إن رأس السنة هتبقى في الصيف.
في السنة الكبيسة الأرض بتكمل لفة كاملة حوالين الشمس في 365 يوم و48 دقيقة و56 ثانية بالظبط، ولو شيلنا السنين الكبيسة وخلينا فبراير 28 يوم في كل السنين هيبقى فيه فجوة زمنية بين السنة التقومية الميلادية، وبين السنة الشمسية اللي بتعرف بيها فصول السنة والمناخ، الفجوة دي هتكون 5 ساعات و48 دقيقة و56 ثانية اللي هي ربع يوم.. لو حاسس إن الربع يوم مش هبفرق أوي، ففعلا هما مش هيعملوا فرق غير على المستوى البعيد فبعد حوالي 700 سنة، هنلاقي الصيف بيبدأ في نص الكرة الشمالي في شهر ديسمبر.
