محمد صلاح في الدوري السعودي بـ 200 مليار دولار
«محمد صلاح في الدوري السعودي الموسم القادم تم توقيع العقود».. تصريح مثير أعلنه أحمد حسام ميدو على أكونته الشخصي بـ x من ساعات قليلة.
محمد صلاح في الدوري السعودي بـ 200 مليار دولار
وأكدت عليه الصحف السعودية وقالت إن محمد صلاح يقترب من فريق اتحاد جدة السعودي بمقابل مادي يصل إلى 200 مليون دولار.. وده رقم كبير جدا في مجال كرة القدم على فكرة.. بس يمكن الموضوع ده مش مفاجأة بالنسبة للجماهير الكرة سواء العربية أو الإنجليزية، وخليني أوضحلك ليه.
في موسم الانتقالات اللي فات كان فيه تفاوض بين اتحاد جدة السعودي مع محمد صلاح ونادي ليفربول، لكن قبل ما يحسم اتحاد جدة الصفقة، محمد صلاح رفض العرض وقرر يكمل مع ليفربول، والسر ورا رفض محمد صلاح للعرض كان مدرب الفريق يورجين كلوب.. هو اللي أثر على محمد وخلاه يكمل مسيرته في ليفربول.. طب إيه اللي اتغير؟
اللي اتغير هو إن كلوب نفسه ساب ليفربول ومشي، وبقى محمد صلاح ماعندوش سبب قوي زي الأول يرفض عشانه عرض برقم خيالي زي 200 مليون دولار، خصوصا إن الدوري السعودي دلوقتي بيضم نجوم عالميين زي رونالدو في النصر.. ونيمار في الهلال.. وبنزيما في الاتحاد.. ويمكن الـ 3 لعيبة دول السبب في موافقة محمد صلاح على الانضمام للدوري السعودي رغم إن الـ 3 احتمال مايكملوش للموسم الجاي.. نيمار وبنزيما منقطعين عن التدريبات وفي آخر الموسم هيتحسم موقفهم لو هيمشوا.. أما ورنالدو فـ اتقدمت فيه شكوى بسبب احتفاله بطريقة شافها الجمهور السعودي غير أخلاقية.. وقررت لجنة الانضباط والأخلاق في الاتحاد السعودي، إيقافه مباراة واحدة مع نادي النصر الل هتتلعب النهاردة، وتغريمه 30 ألف ريال سعودي.
