حلمي بكر مفقود أم مخطوف ؟.. زوجته متهمة بخطفه وتعذيبه | ايه الحكاية
حلمي بكر مفقود أو من الآخر مخطوف، ومراته هي اللي خطفاه وبتعذيبه هي وقرايبها، وأصدقاءه وكل القريبين منه مش عارفين مكانه فين.
حلمي بكر مفقود أم مخطوف ؟
كل اللي بيحاول يدور على حلمي بكر عليه بيتأذي، ابنه خايف عليه ومش عارف يوصله، والنقيب مصطفى كامل قال إن فيه ناس بتطارده عشان واقف جنب حلمي بكر، والفنانة نادية مصطفى معاها تسجيلات صوتية تقطع القلب ولو طلعت للعلن هتقلب الدنيا.. تابع الفيديو للآخر واحنا هنحكيلك تفاصيل الحكاية كلها من البداية.
بداية تدهور الحالة الصحية لحلمي بكر، كانت لما اتعرض للنصب والسرقة من مدير أعماله اللي استولى على مبلغ 2 مليون و280 ألف جنيه.. الكلام ده حصل في نهاية 2023 ومن وقتها حلمي بكر بدأت تدهور حالته الصحية، لحد ما وصلت إنه يعاني من كهربا زيادة على القلب وفشل كلوي.
وبالتزامن مع تدهور حالته الصحية حاول عدد كبير من أصدقاءه في الوسط الفني يزوروه ويكونوا جنبه، وطلب النقيب مصطفى كامل إنه يتنقل للمستشفى التابعة للنقابة وهتتحمل النقابة كل نفقات علاجه.. لكن الرد اللي جه من أسرة حلمي بكر وتحديدا زوجته صادم جدا.
تابع أحدث الأخبار عبر
