محكمة الأسرة اليوم
محكمة الأسرة .. حنان: ساب شغله اللي بيصرف علينا عشان يشتغل سواق
قصدت حنان محكمة الأسرة بعدما بدأت المشكلات تحاصر عش الزوجية من جميع الجهات بسبب قرار زوجها المتهور الذي كان السبب في نشوب كل المشكلات بينهما، وبعد 12 عام قررت التوجه إلى محكمة الأسرة لرفع دعوى طلاق لتتخلص من حياتها الزوجية.
قصص محكمة الأسرة.. كنا عايشين زي الفل
بدأت حنان حديثها لقاضي محكمة الأسرة مؤكدة على صبرها منذ 12 عام في حياة بعيدة كل البعد عن شكل الحياة التي عاشتها في بداية الزواج، تسترجع حنان حياتها في بداية الزواج وتقول: "كنا عايشين حياة زي الفل ومفيش مشاكل خالص بينا ومرتبه كان كويس أوي من الشركة اللي شغال فيها ومكنش مختلينا محتاجين حاجة، كنت لسة معايا بنتي الأولى بس".
حكايات محكمة الأسرة.. ساب الشغل في الشركة عشان يشتغل سواق
قرر الزوج في السنة الرابعة من الزواج التخلي عن مهنته صاحبة المرتب الشهري الجيد جدًا لكي يعمل كسواق وكان هذا السبب الرئيسي في افتعال المشكلات والخلافات بينهما، تابعت: "كان مرتبه كويس ومكفيني انا وبنتي بس فجأة قرر إنه يسيب الشركة اللي شغال فيها عشان يشتغل سواق مش عارفة ليه، اتكلمت معاه في الموضوع دا وحاولت أخليه يشيل الفكرة من باله بس لقيته مصمم سبته وقلت لما أشوف أيه اللي هيحصل"، أضافت حنان: "قلت هشوف الدنيا هتروح بينا فين وسيبته يشتغل سواق زي ما هو عايز ويسيب الشركة المحترمة اللي كنت معيشانا كويس".
قضايا محكمة الأسرة.. حنان في دعوى طلاق
تفاقمت المشكلات بينهما منذ العمل كسواق، وبعدما تكررت المشكلات على السبب ذاته وهو مصروف المنزل قررت حنان التوجه إلى محكمة الأسرة ورفع دعوى طلاق، تستكمل حنان: "من ساعة ما بقا سواق وهو كل ما أكلمه على الفلوس يقولي مش معايا وغذا كان عاجبك، الخناقات بينا بدأت تكبر بقا وصبرت سنة واتنين وتلاتة وأقول الدنيا هتتعدل وهو هيرجع في كلامه ويرجع شركته بس مفيش فايدة"، انهت رواياتها: "مقدرتش استحمل أكمل معاه بالطريقة دي ولا برستيج ولا فلوس وعلى طول خناق، ومفيش مبرر رحت سيبت البيت ورفعت عليه قضية طلاق بقالي 4 شهور"، ولا تزال الدعوى منظورة في المحكمة حتى الآن.
تابع أحدث الأخبار عبر
