مدرس يقتل احد طلابه ويقطع جثته لثلاث أجزاء
في مركز الستموني بمحافظة الدقهلية ، حصلت ابشع جريمة قتل هناك.. لما مدرس يقوم بقتل طالب عنده بس عشان محتاج فلوس يبقى عليه العوض ومنه العوض.
مدرس يقتل احد طلابه ويقطع جثته لثلاث أجزاء
الطالب إيهاب أشرف عبدالعزيز، عمره 16 سنة، طالب في سنة أولى ثانوي، خرج عشان يحضر درس فيزيا بس مارجعش ، ولما اتأخر باباه قلق وراح يعمل محضر تغيب في القسم قاله يستنى 24 ساعة ، فراح الاب يدورعلى ابنه ويتصل عليه كتير ، لحد ما رد واحد وقاله عايز فدية عشان يطلق صراح ابنه ، يعني الولد مخطوف ، وفي وسط البحث والتدوير على الولد فلاح لقى شكارة فيها الجزء السفلي من جسم ولد ، ولما اتعمل تحليل دي ان ايه على الجثة تبين انها جثة الطالب ايهاب، يعني اتقتل مش مجرد خطف، ايه الدافع ورا قتل طفل يعتبر، عنده مجرد بس 16 سنة! .
ابتذت الأجهزة الأمنية في تشكيل فريق بحث ، وابتذت تسمع شهادات الأهالي واصحابه والمدرس ، و اتبين من خلال البحث دا حاجتين، أن اخر حد شاف الطالب كان مدرس الفيزيا اللي بيدعى "محمد" وان المكالمات اللي دارت بين المجهول اللي على موبايل الطالب وابو الطالب إيهاب كانت في نطاق المنطقة.. على الرغم ان المجهول دا قال لابو ايهاب انهم نقلوا الولد لمحافظة تانية..
لما النيابة ضيقت التحقيق مع المدرس.. انهار.. واعترف انه قتل الولد وقطعه لتلت اجزاء .. راسه وجزعه ورجليه .. ورمى كل جزء منهم في مكان عشان يبقى صعب يتلاقى ويتكشف.. وكل دا كان ليه؟ عشان المدرس بيمر بأزمة مالية وعليه ديوب وعنده معلومة بأن اهل الطالب ايهاب ميسورين الحال.. فقرر يخطفه ويطلب فدية.. وبعدها قرر قتله.. كأن الموضوع بالساهل وقتل النفس شئ عادي وبسيط.. كان ممك حتى يكتفي بخطفه وطلب فدية قصاد انه يرجعهلهم سليم.. لكن البجاحة والجبروت وصل بيه انه اصلا يقتله وبرضو يطلب فدية! طب بتطلبها ليه نظير ايه حتى! دانت ماخليتهمش باقيين على حاجة خلاص!
ومن غبائه كمان ، المباحث لقت قطعة قماش في اوضع الدروس الخصوصية بتاعته وعليها دم ، هي هي نفس النوع من القماش اللي جثة الولد ملفوفة بيها.. وكل قطعة منهم مقصوصة بشكل مش منتظم ف لما طابقوا القطعتين على بعض لقوا ان مكان القطع بيكمل بعضه.. يعني هي قطعة واحدة كبيرة اتقصت نصين .
اللي يقهر زيادة بقى بعد كل دا ، ان المدرس قبل ما يتقبض عليه..مشي في جنازة الطالب بيعيط عليه المعنى الحرفي لقتل القتيل ومشي في جنازته.. و نزل بوست بيدعي فيه على اللي ارتكب الجريمة البشعة دي ، وأضح انه قاتل بس دعائه مستجاب ، ربنا اتقبل منك اهو واتقبض على اللي قتل ايهاب.. وبأذن الله طبعا لازم هتاخد عقابك.
كان زمان!! قف للمعلم ووفه التبجيل كاد المعلم ان يكون رسول .. بس في زماننا؟.. المعلم بيقتل طلابه..
