ميدو لـ مرتضى منصور: أرجوك لو بتحب الزمالك سيب النادي مستقر
في واحدة من تصريحات أحمد حسام ميدو المدير الفني السابق لنادي الزمالك وجه ميدو رسالة لمرتضى منصور رئيس نادي الزمالك السابق فقال: "رسالتي للمستشار مرتضى منصور أرجوك لو بتحب الزمالك سيب النادي مستقر وبلاش قواضي ومحاكم كفاية اللي حصل للنادي واحنا كلنا ما صدقنا نتنفس.. سيبونا نعيش مناخ صحي للمنافسة.. الزمالكاوية تعبوا من الصراعات..كفاية ارجوك كفاية!!"
وقال كمان أحمد حسام ميدو في رسالته عن رئيس رابطة الأندية المصرية: "احمد دياب من أكتر الناس اللي شغاله في منظومة الكورة بقلب… لعب دور كبير في إعداد الجمهور اللي بيزيد لـ ٢٠ ألف وبقاله فترة بيحارب على الموضوع ده.. مصر محتاجة ناس كتير زي دياب علشان نتطور"
وراح مهاجم أحمد حسام ميدو رئيس اتحاد الكورة جمال علام وقال إنه مايعرفش حاجة في قوانين الكورة وطالب جمال علام أنه يطلع "شهادات علاء نبيل" وينشرها على الموقع الرسمي للاتحاد فقال: "الاتحاد الدولي مشترط أن المدير الفني لأي اتحاد لازم يكون معاه شهادة البرو".
وقال كمان ميدو ان في حالة ان الشهادات دي طلعت هيروح للاتحاد ويبوس راس علاء نبيل بنفسه
فقبل كده ميدو نزل تغريدات له على منصة اكس وكتب فيها إن تعيين علاء نبيل مدير لأتحاد الكرة بيخالف قوانين الاتحاد الدولي لكرة القدم.. الرجل لا يمتلك الدراسات المطلوبة لهذا المنصب.. فضيحة جديدة لاتحاد كرة القدم المصري".
ووقتها وجه ميدو رسالة لوزير الرياضة وكتب: "أرجو من معالي الوزير الدكتور أشرف صبحي التدخل فورا.. ما يحدث لا يليق باسم مصر..".
تابع أحدث الأخبار عبر
