محكمة الأسرة اليوم
محكمة الأسرة.. سهى: بياخد مرتبي اللي بصرف بيه على العيال
دعوى نفقة أقامتها سهى في محكمة الأسرة ضد زوجها الذي يرفض الإنفاق عليها هي والأولاد بعد ما حاولت أكثر من مرة إصلاح الوضع الذي يفسده زوجها، تفاقمت المشكلات أكثر وأكثر بعدما تعمد الزوج الاستيلاء على مرتبها الشهري، هنا قررت اللجوء إلى محكمة الأسرة ورفع دعوى نفقة ضده.
قصص محكمة الأسرة.. بقاله 10 سنين مبيصرفش علينا
تستهل سهى حكاياتها لمحكمة الأسرة مؤكدة على معاناتها التي عاشتها معه لأكثر مز 10 سنوات على هذا الحال، ورغم هذا حاولت معه مرارا وتكرارا من أجل إصلاح حياتها الزوجية، تابعت: "أول كام شهر في الجواز كان كويس معايا بس بعد كدا اتغير ومبقاش راضي يسيب فلوس، كلمته كتير في الموضوع دا وكل مرة يطلعلي بحجة عشان ميسيبش فلوس وخلاص".
حكايات محكمة الأسرة.. بياخد مرتبي اللي بصرف بيه على العيال
بدأت المشكلات تتفاقم بينهما على مصروف المنزل بسبب رفض الزوج الإنفاق عليها ولكنها تحملت من أجل الأولاد والحفاظ على منزل الزوجية، تستكمل سهى باقي رواياتها قائلة: "سكت وصبرت عشان البيت ونزلت اشتغل عشان اعرف اصرف على العيال وقلت معتمدش عليه، وبقيت فعلا انا اللي بصرف على البيت والعيال وهو ميعرفش عننا حاجة"، تابعت: "اعتمدت على نفسي اخر ما زهقت منه، بس اللي زود المشاكل بقا إنه كمان عايز ياخد مرتبي اللي بصرف بيه على العيال بدل ما هو اللي المفروض يصرف، ولما رفضت بقا اديهوله بقا ياخده مني بالعافية".
قضايا محكمة الأسرة.. سهى في دعوى نفقة
توجهت نحو محكمة الأسرة ورفع دعوى نفقة بعد ما فقدت الأمل في صلاح الحال بينهما بعدما أصر الزوج على الاستيلاء على مرتبها الشهري عنوة منها، أضافت سهى: "مبقتش قادرة استحمل خلاص، ولا منه بيصرف ولا منه سايبلي مرتبي عشان اصرف بيه على العيال، مبقتش عارفة اعمل إيه معاه تاني خلاص جيت أخري بعد 10 سنين، ملقتش قدامي غير إني أرفع عليه قضية نفقة".
تابع أحدث الأخبار عبر
