محكمة الأسرة اليوم
محكمة الأسرة ومآسيها .. وفاء: بيرهن عياله عند الديلر عشان كيفه
سنوات من الصبر انتهت على أعتاب محكمة الأسرة من خلال دعوى خلع اقامتها وفاء بعد عشرون عام من مأساة كبيرة مع زوجها المدمن وهي تبذل كل ما بوسعها للحفاظ على عش الزوجية ولكن تصرفات الزوج جعلتها تصر على طلب الخلع من محكمة الأسرة.
قصص محكمة الأسرة.. من ساعة ما عرفته وهو بيحشش
تبدأت رواياتها لـ الحادثة مؤكدة على معاناتها التي تعيشها مع زوجها من بداية الزواج تقريبًا بسبب إدمانه المفرط للمخدرات الذي كان السبب في تدهور حياتهما الزوجية قبل أن تبدأ حتى، تابعت: "من ساعة ما عرفته وهو بيحشش بس كنت بقول الحشيش مش هيعمل حاجة يعني وهيتغير بعد الجواز، بس كنت غلطانة عشان الدنيا باظت أكتر وأكتر بعد الجواز وبقا يشرب أنواع تانية كتير من المخدرات مش الحشيش بس والدنيا بدأت تبوظ".
حكايات محكمة الأسرة.. بيرهن عياله عند الديلر
تفاقم المشكلات بعدما تعرف على باقي أنواع المخدرات التي كانت السبب في انهيار حياتهما الزوجية ولكن مع ذلك حاولت كثيرًا إصلاح الوضع، أضافت وفاء لـ الحادثة: "مش عارفة حاجة في حياته غير الحشيش والمخدرات، حاولت معاه كتير إنه يبطلب سهو مش راضي وعاجبه حياته وهو ضايع مش وعيه ولا يعرف أي حاجة عني أنا والعيال"، تابعت: "في العادي بياخد مصاريف الكيف مني ولما ميلاقيش فلوس معايا ممكن يعمل أي حاجة عشان يجيب المخدرات، يبيع حاجة في الشقة، وكنت بعديها بس المصيبة إنه بقا يرهن عياله الصغيرين عند الديلر عشان المخدرات وكيفه بس".
روايات محكمة الأسرة.. هيضيعلي عيالي
تغاضت عن رهن ابنها الأول من أجل كيفه على أمل أنه لا يكررها ولكنها كانت مخطئة لأنه كرر عملته مرة أخرى مع ابنها الثاني ما جعلها تقصد محكمة الأسرة ورفع دعوى خلع بعد ما لاحظت أن الأمور تزداد في السوء بسبب إدمان الزوج، أنهت حكاياتها لـ الحادثة قائلة: "لمتا عرفت إنه رهن ابني قلت خلاص مش هتتكرر تاني بس لما لقيته عمل كدا تاني مع ابني التاني خفت عليهم ومبقتش ضامنة هيعمل ايه فيهم المرة الجية، عشان كدا رفعت قضية خلع".
تابع أحدث الأخبار عبر
