في ذكرى وفاة حاتم ذو الفقار اتجوز تلاتة واتقبض عليه 3 مرات بسبب المخدرات
في ذكرى وفاة الفنان حاتم ذو الفقار ياترى ايه حكاية رقم 3 معاه ؟
اتولد 5 يناير سنة 52 واسمه الحقيقي حاتم محمد محمود راضي وذو الفقار دي كانت صدفة ساعدته على الشهرة لأنه كان جار الفنان صلاح ذو الفقار، لكن مكانش قريبه زي مالناس كانت فأكرة جوازته الأولى كانت من «كريمة» بنت الصحفي إبراهيم الورداني، والثانية كانت من الفنانة «نورا» اخت الفنانة «بوسي»، وكان فرحهم اسطوري وقتها ، ولما عرفت انه مدمن مخدرات اطلقت منه وبعدها اتقبض عليه ، واتحبس بسبب المخدرات، أما الجوازة الثالثة كانت من خارج الوسط الفني، وفي التلات مرات ما خلفش ولا مرة اما بقى تاني مرة اتقبض عليه فكان معاه هيروين ، والتالتة فاتقبض عليه وهو مع تاجر مخدرات اتعرف عليه في السجن بس المرة دي اخد براءة .
حياته كانت مأساوية رغم فنه بس أكتر جزء مأساوي في حياته مع رقم 3 كان وقت وفاته لأنه مات في بيته وهو لوحده ، وفضل فيه 3 أيام لحد مالناس لاحظت ومحضرش عزاه غير أشرف عبد الغفور ، ومحمد أبو داوود وحمدي شرف الدين ، وإلهام شاهين وبس.
