محكمة الأسرة اليوم
محكمة الأسرة.. سعاد: محكوم عليه بمؤبد واتشحطتنا أنا وبناتي بعده
اقتربت سعاد نحو أعتاب محكمة الأسرة لعل القضاء يكون الخل لكل مشكلاتها مع أشقاء زوجها الذين يرفضون مساعدتها هي وبناتها حتى ولو بجنيًا واحدًا في محنتها بعد حبس زوجها، والحكم عليه بالمؤبد فكانت النتيجة دعوى نفقة تقيمها في محكمة الأسرة.
قصص محكمة الأسرة
قصد محكمة الأسرة كان الحل الأخير بعد محاولات كثيرة مع أهل الزوج من أجل مساعدتها هي وبناتها الثلاثة، تستهل حديثها للقاضي وأول ما قالته هو: "أهل جوزي مش راضيين يساعدوني من ساعة ما جوزي اتحبس وميعرفوش عني حاجة انا والبنات، وكلمتهم كتير وطلبت منهم يساعدوني برضو كتير بس هما ولا هنا ومش راضيين يدوني ولا مليم".
حكايات محكمة الأسرة.. اتحكم عليه بالمؤبد واتشحطتنا أنا وبناتي
تسترجع حياتها قبل حبس زوجها وتقول: "حياتنا كانت كويسة وكل حاجة تمام، وفي ثانية لقيت كل حاجة اتشقلبت من ساعة ما جوزي اتحبس في قضية سرقة دهب واتحكم عليه بمؤبد، مش فاهمة ليه عمل كدا مع إن شغله كان كويس ومكنش محتاج يسرق ولا يعمل فينا كدا أنا والبنات، شحطتنا انا وهما وحسبي الله ونعم الوكيل فيه".
قضايا محكمة الأسرة.. سعاد في دعوى نفقة
لم تقصد سعاد محكمة الأسرة من فراغ ولكنها كانت الأمل الأخير لها في مساعدتها بعدما كررت طلب المساعدة لها ولبناتها، تابعت: "نزلت اشتغل وأصرف عليهم وأنا اللي كنت شايله كل مصاريف البيت لوحدي من غير ما أطلب من أهل جوزي أي حاجة بس من ساعة ما تعبت ومبقتش قادرة اشتغل طلبت منهم كتير يساعدوني بس رفضوا"، أنهت سعاد رواياتها قائلة: "ملقتش قدامي غير إني ارفع قضية نفقة طالما هما مش راضيين يساعدوني".
تابع أحدث الأخبار عبر
