أخبار محكمة الأسرة
محكمة الأسرة.. أميرة: كان بيشرب حشيش واستحملت علشان بناتي
7 سنوات زواج كانت نهايته الحتمية على أعتاب محكمة الأسرة من خلال دعوى خلع أقامتها أميرة بعدما عانت في حياتها لفترة طويلة على أمل تغير الأوضاع ، ولكن في الحقيقة أن الأمور تدهورت بينهما وأصرت الزوجة على رفع دعوى الخلع بعدما بدأ الزوج يتصرف تصرفات خارج حدود المنطق.
حكايات محكمة الأسرة.. كان بيشرب حشيش بس اتطور بعد الجواز
كانت خطواتها إلى محكمة الأسرة هي نهاية حياة لم تشعر فيها بالأمان مع رجل كل اهتماماته تتلخص في شربه للمخدرات لا يهتم إلا بالمخدرات فقط، استرجعت «أميرة» حياتها قبل الزواج مؤكدة على أنها كانت تعلم بشربه للمخدرات ، ولكنها لم تتوقع أن الموضوع يتمادى بعد الزواج، استكملت حديثها: "كنت عارفة إنه بيشرب حشيش قبل الجواز وقلت عادي وفي أول الجواز مكنش مأثر عليه أوي، بس من ساعة ما بقى يشرب المخدرات وأنواع تانية جديدة وحياتنا بايظة".
قصص محكمة الأسرة.. استحملت كتير عشان خاطر بناتي
تفاقمت المشكلات بسبب تمادي الزوج في إدمانه الذي جعله مغيب العقل لا يعرف كيف يتصرف معها، تابعت أميرة: "عايشة في ضرب وإهانة عشان خاطر بناتي الصغيرين اللي ملهمش ذنب في أي حاجة واستحمل عشان مخربش البيت وأقول يمكن يتعدل يمكن يتغير بس مفيش أي حاجة بتحصل بالعكس بيزيد في ضربه وقلة أدبه معايا".
أخبار محكمة الأسرة.. داخل عليا أوضة النوم براجل عشان عايز فلوس
بعد 7 سنوات قررت أميرة أن تقصد محكمة الأسرة بعدما وجدت زوجها مغيب غير واعي لتصرفاته، أَضافت أميرة لقاضي محكمة الأسرة قائلة: "بقى مش في وعيه خالص وبقى بيضربني بأي حاجة في إيده وكنت ببقى هموت في إيده غير شكله اللي بقة غريب بسبب الحاجات اللي بيشربها دي"، تابعت: "كل دا كنت بعديه وأحاول امشي الدنيا بس خلاص قررت إن خلاص لازم ارفع عليه خلع واسيبه، لما لقيته داخل عليا أوضة النوم براجل عشان عايز فلوس يجيب بيها مخدرات، خدت البنتين ونزلت من البيت الفجر عشان مكنتش عارفة ممكن يعمل إيه تاني وهو مش في وعيه".
تابع أحدث الأخبار عبر
