"جريمة في بيت العيلة" .. حكاية "القرض الملعون" والأشقاء الأربعة بالصف؟
حصل موقع " الحادثة" على نص تحقيقات القضية القضية رقم ٤٩٢٥ جنايات الصف، والمقيدة برقم ٥١٧٦ لسنة ٢٠٢3 كُلي جنوب الجيزة، والمتهم فيها سائقين بقتل شقيقتيهما داخل منزلهما بسبب "قرض".
كانت محكمة جنايات الجيزة، قضت يوم الإثنين الماضي، بمعاقبة سائقين بالسجن المشدد 7 سنوات لاتهامهما بقتل شقيقتيهما لشكهما في سلوكهما بالصف جنوب الجيزة.
عقدت الجلسة برئاسة المستشار حسين فاضل عبد الحميد وعضوية المستشارين عبد الرحيم علي علي ومحمد حسن خطاب وأمانة سر محمد سيد البحيري.
نص تحقيقات القضية القضية رقم ٤٩٢٥ جنايات الصف
وجاء أقوال المتهمين كالتالي:
س/ما تفصيلات إقرارك ؟
ج/ اللي حصل إن أنا واخويا "محمد" لينا إخوات بنات شققا من الام والاب وهما متجوزين وعايشين مع اجوازهم ومخلفين ومن فترة طلعت سمعه وحشه على إخواتنا وناس كتير في البلد قالولى إن اختك "رشا" و"فاطمه" على علاقة مع رجاله وان لما سمعت الكلام ده من ناس كثير قولت اتأكد من الكلام ده فروحت جمعت كل اخواتي الرجاله وجبت رشا و فاطمه عندي في البيت و الكلام ده كان حوالى من ١٢ يوم تقريبا وقعدنا مع بعض وواجهتهم بالكلام اللي سمعته في الأول انكروا و لما ضربناهم اقروا على كل اللى حصل وانهم على علاقة مع ناس كثير برا وجوه البلد وكانوا بياخدوا فلوس على كده فاحنا اتفقنا انا و محمد عشان مش متجوزين و معندناش حاجه نخاف عليها "محمد" يخلص على اخته شقيقته "فاطمة" و أنا اخلص على اختى شقيقتي "رشا".
وبعد صلاة العشاء يوم الجريمة دخلناهم أوضه في الدورالأرضى في بيت اللي أنا ومحمود عاشين فيه ودخلت عليهم وخلناهم ينطقوا الشهادة وكنت أنا وقتها اشتريت ٦ قفزان فأنا روحت مكمم بوقها ببنطلون من هدوهما عشان متصوتش و قولت لرشا هاتی ايدك و مدت ايدها روحت رابط على ايدها افيز بلاستك أسود و روحت جايب الفيزين وصلتهم ببعض ورحت رابطهم على رقبه "رشا" لحد ما جابت اخرى لكن كان لسه فيها الروح روحت خالع سلك كهربا ولفيته على رقبتها لحد ما اتأكدت انها ماتت في مكانها وكان في نفس الوقت محمد اخويا كان بيعمل زيي في أخته "فاطمه" بردوا راح مكمم بوقها بطرحه بيضا و ربط على ايدها بحتة قماش فأنا قولتله خد قفيز اهو عشان القماش مش هينفع لوحده ووقتها مكانتش طلعت الروح راح جاب سلك كهربا بتاع مكواه ولفه على رقبتها لحد ما ماتت وخلصت وبعدها لقيت الناس اتلمت قدام بيتنا.
س/ منذ متي بدأت تلك الخلافات بينكما و بين المجنى عليهما؟
ج/ الخلافات بدأ من ساعه ما عرفنا السكة اللي كانوا ماشين فيها.
س/ كيف نمي إلى عملك بقيامهم بإرتكاب تلك الأفعال؟
ج/ أنا عرفت من الناس كلها في البلد و سيرتهم بقت على كل إنسان.
س/ كيف تيقنت من قيام اشقائك المجنى عليهما سالفي الذكربأتيان تلك الأفعال ؟
ج / أنا عرفت منهم لما واجهتهم عندي في البيت وحكولي كل حاجه عملوها مع ناس في البلد وبرا البلد بالفلوس.
س/ هل أزواج المجنى عليهما على علم بتلك الأفعال؟.
ج/ هما اعترفوا إنهم عملوا كده بعلم من أزواجهم عشان يسدوا القروض اللي عليهم و على اجوازهم.
وجاءت أقوال المتهم الثاني كالتالي:
س/ ما هي ملابسات تلك الجلسه تحديدا؟
ج/ هو اللي حصل إن احنا لما سمعنا من الناس إنهم ماشيين في السكة البطالة روحت جمعت كل اخواتى في بيت العيلة واجهناهم وهما قالى على كل حا على كل حاجه حصلت.
من / وما الذي اخبراك به تحديدا كلا من المجنى عليهما ؟
ج/ هي رشا حكت إنها سبب القروض اللي كان واخدها جوزها وهيا كانت ماضيه معاه في القروض دي فلجات للسكة دى عشان تاخد فلوس وتسد القروض اللى عليها هي و جوزها و "فاطمه" حكت بردوا إنها عملت كده عشان القروض اللي واخدها جوزها و الكلام ده كله كان بعلم أجوازهم.
س/ هل أخبراك المجنى عليهما عن سبب اتيانهم بتلك الافعال ؟
ج/ هما قالولى عشان هما و اجوازهم عليهم قروض كثير وكانوا بيعملوا كده عشان يساعدوا اجوازهم ويسدوا القروض اللى عـ قروض اللى عليهم وهما كمان ماضيين على وصلات امانه بتاع أجهزة كهربائيه للبيت عندهم.
س / ما هي الأدوات المستخدمة في تلك الواقعة؟
ج/ أنا بعت اشتريت قفزان بلاستيك و استخدمنا حاجات من الهدوم بتاعتهم عشان نكمهم بيها و نشل حركهم و قبل كده كنا بنضربهم بسير جلد عشان يحكوا على اللي كانوا بيعملوا.
س/ هل قسم باحتجاز المجني عليهما قبيل ارتكابكم تلك الواقعة ؟
ج/ هما جم البيت عدنا يوم الجمعة غير اللي فاتت يعنى حوالى ١٢ يوم تقريبًا في الشقة اللي ماتوا فيها.
س/ این حدث ذالك تحديدا ؟
رج/ هما كانوا عندنا في البيت و نفذنا يوم السبت حوالي وقت صلاة العشاء.
س/ وهل كان باقي اشقائك على علم بأرتكابكم لتلك الواقعة؟
ج/ هما كانوا عندهم علم إن احنا هنحبسهم في البيت ويطلعوش منه لحد ما يموتوا موته ربنا.
س/ وما سبب قيامكما بالتعجيل من التخلص منهما داخل منزل العائلة؟
ج/ هو عشان لما عرفنا أن البلد كلها عرفت وسيرتهم بقت على كل لسان قررنا أنا و محمد مخلص عليهم و نغسل عارنا.
وأسندت الينابة العامة في تحقيقاتها للمتهمان تهمة قتلا المجني عليها"رشا"عمدا مع سبق الإصرار بأن بيتا النية عقدا العزم على قتلها بأن قام المتهم الأول بإعداد "قفزان بلاستيك" وما أن ظفرا بها حتى قام بتكبيل يديها بإستخدام قطع قماش ليتمكن من شل حركتها وقاما بخنقها بواسطة "قفزان بلاستيكية" بأن اعدوها سلفاً وليتأكد من بلوغ مقصده ثم قام بخنقها بسلك كهربائي حال تواجد المتهم الثاني معه على مسرح الجريمة ليشد من أذره قاصدين من ذلك قتلها.
وأوضحت التحقيقات أن المتهمان قتلا -شقيقتهما الثانية- "ف. أ" عمدا مع سبق الإصرار بأن بيتا النية عقدا العزم على قتلها بأن قام المتهم الثاني بإستخدام أدوات "قفزان بلاستيك" أعدها المتهم الأول سلفاً وما أن ظفرا بها حتى قام بتكبيل يديها باستخدام بنطال خاص بها ليتمكن من شل حركتها ومن ثم قام بخنقها بواسطة القفزان البلاستيكية المعدة سلفاً و ليتأكد من بلوغ مقصده تمام بخنقها بواسطه سلك جهاز كهربائي "مكواه" حال تواجد المتهم الأول معه على مسرح الجريمة ليشد من أذره قاصدين من ذلك قتلها .
وقضت محكمة جنايات الجيزة، برئاسة المستشار حسين فاضل عبد الحميد، بالسجن المشدد 7 سنوات للمتهمين بعد أن احالتهما النيابة للمحكمة بتهمة القتل العمد مع ىسبق الإصرار.
