أخبار محكمة الأسرة
محكمة الأسرة .. سميرة: مخلص فلوسي أنا وعيلته على المخدرات
توجهت سميرة إلى محكمة الأسرة بعدما تأكدت أنه الطريق الوحيد الذي يساعدها في تخلصها من حياتها التي عانت فيها لأكثر من 12 عام بسبب إدمان زوجها للمخدرات بطريقة مفرطة ما جعل المشكلات تتفاقم بينهما خصوصًا بعد استيلاءه على أموال زوجته وعائلته بالكامل دون الالتفات إلى أولاده ومتطلاباتهم، وكانت دعوى طلاق في محكمة الأسرة هو الطريق الذي سلكته في النهاية.
قصص محكمة الأسرة
"مخلص فلوس العيلة كلها على مزاجه وكيفه" كانت هذه أول عبارة بدأت سميرة حكاياتها لقاضي محكمة الأسرة لتبرر سبب لجؤها إلى دعوى طلاق بعد 12 عام، تابعت: "مكنتش اعرف قبل الجواز إنه مدمن أو يعرف أي حاجة عن المخدرات والحاجات دي بس أول ما اتجوزنا ولقيته متغير معايا في التعامل وحساه مش طبيعي وفي حاجة بس مكنتش أعرف في إيه بالظبط".
حكايات محكمة الأسرة.. بياخد فلوس تعبي وشقايا عشان مزاجه
علمت سميرة السبب وراء تغيرها معها في بداية الزواج وكان السبب هو إدمانه للمخدرات، حاولت أن تساعده في العلاج ولكنه رفض بل زاد في إدمانه وتعاطيه بطريقة جعلته يطلب الأموال من زوجته وعائلته بالكامل من أجل شراء مزاجه، أضافت: "مرضتش اطلب الطلاق من أول ماع رفت خصوصًا إني كنت في أول الجواز وبقالي فترة قليلة أوي متجوزة، واستحملت وحاول ت معاه كتير إنه يتعالج بس مكنش نافع معاه أي حاجة وكان بيزيد في القرف اللي بياخده دا"، تستكمل سميرة حكاياتها: "نزلت اشتغل بعد ما خلفت عشان كنت فقدت فيه الأمل إنه يبقى إنسان عادي، وهو طبعًا قعد من الشغل وبقا موراهوش أي حاجة غير المخدرات، ومش بس كدا دا بقى ياخد مني الفلوس اللي معايا عشان يشتري بيها القرف اللي بيشربه دا".
قضايا محكمة الأسرة.. سميرة في دعوى طلاق
تفاقمت الخلافات بينهما بسبب تمادى الزوج في إدمانه، تابعت: "اتخانقت معاه كتير عشان يفوق لبيته وعياله بس مفيش فايدة فيه برضو بس هو ولا هنا، أهم حاجة عنده المخدرات وبيعمل أي حاجة عشان يجيب فلوس، ولو معرفش ياخد مني أي حاجة بيلف على أهله كلهم واحد واحد عشان ياخد فلوس يجيب بيها نفس ولا نفسين"، عندما تأكدت أن لا معنى لحياتها وأنها لم تتحمل أن تكمل باقي حياتها بهذه الطريقة ما جعلها تقصد محكمة الأسرة من أجل رفع دعوى طلاق
تابع أحدث الأخبار عبر
